Дзяўчыну, чый голас гучыць у афіцыйнай версіі гімна Беларусі, асудзілі за ўдзел у пратэстах
Марына Рапавец выкладае ў вакальнай школе, кіраўніцу якой нядаўна таксама судзілі.
Марыне Рапавец 42 гады. Родам яна з Бабруйска. У 2007‑м скончыла аддзялення харавога дырыжыравання Беларускай дзяржаўнай акадэміі музыкі. Засталася жыць у Мінску.
Больш за 15 гадоў Марына займаецца педагагічнай дзейнасцю. Яна выкладала ў дзіцячай вакальнай студыі пры БДУ і дзіцячых музычных школах Мінска. Таксама кіруе ансамблем «Pretty bend» і выкладае ў музычнай школе Веранікі Яноўскай, якой таксама нядаўна прысудзілі хатнюю хімію.
Голас Марыны Рапавец гучыць у афіцыйным запісу гімна Беларусі. Яго запісвалі ў пачатку 2000‑х сіламі аркестра Узброеных сілаў і акадэмічнага хора Беларускага радыё і тэлебачання. Салістка гэтага хора Вольга Рузіна ўзгадвала, што ў хоры хапала моладзі — кіраўнік Віктар Роўда ўключаў у склад маладых і таленавітых студэнтаў.
Марыну Рапавец затрымалі ў чэрвені 2025 года і, па звестках партала Dissidentby, пасадзілі на суткі. Пасля — перавялі ў СІЗА-1 у Калядзічах.
Жанчыну нядаўна асудзілі за ўдзел у пратэстах (ч. 1 арт. 342 КК) і далі хатнюю хімію, яе імя з'явілася ў «спісе экстрэмістаў», які вядзе МУС.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам8
Каментары
"І ўсё ж такі светлыя дні настануць. Бо няма ў свеце цемры, якая не скончылася б святлом."
Ул. Караткевіч
https://nashaniva.com/375733