Раней Трамп прыгразіў Афганістану наступствамі, калі талібы не вярнуць ЗША кантроль над авіябазай Баграм, якую амерыканцы пакінулі ў 2021 годзе.
Авіябаза Баграм, 2002 год. Фота: Derrick C. Goode, U.S. Air Force
«Калі Афганістан не верне авіябазу Баграм тым, хто яе пабудаваў, Злучаным Штатам Амерыкі, адбудуцца кепскія рэчы!!!» — напісаў ён у сваёй сацсетцы Truth Social.
Афіцыйны прадстаўнік кіроўнага ў Афганістане руху «Талібан» Забіхула Муджахід адказаў, што Афганістан імкнецца да канструктыўных стасункаў з усімі дзяржавамі на аснове ўзаемных і агульных інтарэсаў і рэкамендаваў ЗША «замест паўтарэння мінулых няўдалых падыходаў прытрымлівацца палітыкі рэалізму і рацыянальнасці».
Кіраўнік штаба Мінабароны Афганістана Фасіхудзін Фітрат заявіў, што «здзелка нават за цалю афганскай зямлі немагчымая».
Каментары