Пасля сённяшняй сустрэчы з прэзідэнтам Украіны Уладзімірам Зяленскім прэзідэнт ЗША Дональд Трамп выступіў з рэзкай заявай у сваёй сацсетцы Truth Social. Пасля ён паўтарыў тыя ж думкі на сустрэчы з прэзідэнтам Францыі Эманюэлем Макронам.
«Пасля таго як я азнаёміўся з сітуацыяй у ваеннай і эканамічнай сферах Украіны і Расіі і цалкам яе зразумеў, а таксама ўбачыў эканамічныя цяжкасці, якія яна выклікае ў Расіі, я лічу, што Украіна пры падтрымцы Еўрапейскага Cаюза здольная змагацца і вярнуць усю сваю тэрыторыю ў ранейшых межах.
З часам, цярпеннем і фінансавай падтрымкай Еўропы і, у прыватнасці, НАТА, аднаўленне першапачатковых межаў, з якіх пачалася гэтая вайна, цалкам магчымае. Чаму б і не?
Расія ўжо тры з паловай гады вядзе бессэнсоўную вайну, якую сапраўды магутная дзяржава магла б выйграць менш чым за тыдзень. Гэта не робіць Расіі гонару. Насамрэч, гэта хутчэй паказвае, што яна — «папяровы тыгр».
Калі жыхары Масквы і ўсіх вялікіх гарадоў, пасёлкаў і раёнаў па ўсёй Расіі даведаюцца, што насамрэч адбываецца на гэтай вайне, зразумеюць, што амаль немагчыма дастаць бензін праз доўгія чэргі, і сутыкнуцца з усімі іншымі праблемамі ваеннай эканомікі, дзе большая частка сродкаў траціцца на барацьбу з Украінай, якая мае вялікі дух і толькі мацнее, — Украіна зможа вярнуць сваю краіну ў ранейшым выглядзе і, хто ведае, магчыма, нават пайсці далей!
Пуцін і Расія перажываюць сур'ёзныя эканамічныя цяжкасці, і цяпер надышоў час Украіне дзейнічаць.
У кожным разе, я зычу абедзвюм краінам усяго найлепшага. Мы працягнем пастаўляць зброю ў НАТА, каб НАТА рабіла з ёй тое, што лічыць патрэбным. Поспехаў усім!», — напісаў прэзідэнт ЗША.
Цяпер чытаюць
Хто забараняе ў Беларусі кнігі — вось гэтыя 22 чалавекі13
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары