Прэзідэнт ЗША Дональд Трамп плануе паразмаўляць з прэм’ер-міністрам Венгрыі Віктарам Орбанам, каб гэта краіна спыніла закупкі расійскай нафты. Пра гэта ён паведаміў на сумеснай прэс-канферэнцыі з прэзідэнтам Украіны Уладзімірам Зяленскім.
«Ну, ён мой сябар. Я з ім не размаўляў. Але ў мяне такое адчуванне, што калі б я гэта зрабіў, ён мог бы спыніцца. Думаю, я так і зраблю», — сказаў Трамп.
Раней міністр замежных спраў Венгрыі Петэр Сіярта заявіў, што Будапешт не адмовіцца ад расійскай нафты, нягледзячы на патрабаванні Белага дома.
Сам Трамп неаднаразова крытыкаваў ЕС за тое, што некаторыя краіны блока ўсё яшчэ купляюць расійскую нафту, і адзначаў, што ЗША не ўвядуць новыя санкцыі супраць Расіі, калі еўрапейскія краіны не спыняць закупкі расійскіх энергарэсурсаў.
Тым часам, па словах прэзідэнта Еўрапейскай рады Антоніу Кошты, Еўрасаюз ужо скараціў закупкі расійскіх энергарэсурсаў на 80%. Большая частка астатніх 20% прыпадае акурат на Венгрыю.
Трамп у ААН: Еўропа коціцца ў пекла, а глабальнае пацяпленне — найбуйнейшае махлярства
Трамп выстаўляе Еўрасаюзу ўмовы, якія той не можа выканаць
Каб ЗША ўвялі санкцыі супраць Расіі, Еўропа павінна перастаць купляць расійскія нафту і газ
Трамп пераканаў Орбана не перашкаджаць уступленню Украіны ў ЕC — СМІ
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары