У Пухавіцкім раёне «Дажынкі» нечакана перанеслі на тыдзень. Ужо выпечаныя да свята караваі могуць да яго не дажыць
У чацвер 25 верасня ў сацсетках пухавіцкай раённай газеты і раённага цэнтра культуры з'явілася паведамленне, што раённыя «Дажынкі», якія мелі адбыцца 27 верасня, пераносяцца на тыдзень і цяпер будуць праводзіцца 4 кастрычніка. Як выглядае, гэты перанос стаў нечаканым нават для тых, хто збіраўся ў святкаванні браць актыўны ўдзел.
Каментароў пад гэтым паведамленнем не так шмат, але ў тых, якія ёсць, у асноўным выказваецца абурэнне, што паведамленне пра перанос зроблена літаральна ў апошні момант, і гэта непавага да людзей. Адміністратары спрабуюць апраўдвацца:
«Гэта не ганьба і жах, як пішуць нашы каментатары, проста на ўсё ёсць пэўныя прычыны, і пераносы не толькі ў нас, а ў многіх раёнах вобласці! Будзьце больш памяркоўнымі і паважлівымі да працы іншых людзей».
Прычыны пераносу ніхто не тлумачыць, але некаторыя людзі актыўна бароняць «гонар мундзіра», сцвярджаючы, што гэта «не таму, што не паспелі падрыхтавацца». Крытыкам яны напорыста пярэчаць:
«Адкуль вы можаце ведаць, хто і калі пачаў рыхтавацца? Я ўпэўненая, што вы нават не ведаеце, што гэта такое і думаеце што ўсё вельмі лёгка».
Апанентам пры гэтым закідаецца, што яны бяруцца меркаваць пра мэтазгоднасць пераносу, не ведаючы яго прычыны. Але гэты аргумент выклікае пярэчанне нават у адной з жанчын, непасрэдна датычнай да арганізацыі свята:
«Прычыну я не ведаю, затое ведаю наступства: заказаныя да свята 10 караваяў тыдзень не вытрымаюць, заказаныя букеты для віншаванняў за тыдзень ператворацца ў венікі і гэтак далей. Гэта страты. А прычына хутчэй за ўсё тая, якую наш прэзідэнт згадвае на кожнай нарадзе — безадказнасць».
Пры гэтым караваі да свята выпякаліся не на месцы, а адмыслова заказваліся ў Слуцку, і іх ужо нават паспелі прывезці.
Ігар Марзалюк на ідэалагічным мерапрыемстве ўпадаў у экстаз ад абласных караваяў ВІДЭА
На «Дажынках» у Ваўкавыску Уладзімір Каранік пуляў капустай у баскетбольнае кольца ВІДЭА
Крот-шахцёр, багамол-пераростак і крэйсер «Аўрора». На палях Беларусі зладзілі конкурс фігур з саломы ФОТЫ і ВІДЭА
Кіраўнік Белаазёрска расказаў пра падрыхтоўку да «Дажынак», а людзі захэйцілі ў каментарах
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў10
Каментары