Масква чула заявы віцэ-прэзідэнта ЗША Джэй Дзі Вэнса і спецпасланніка прэзідэнта ЗША Кіта Келага аб магчымасці паставак ракет «Тамагаўк» Украіне, паведаміў прэс-сакратар прэзідэнта Расіі Дзмітрый Пяскоў.
Спікер Крамля назваў заявы амерыканскага боку «вельмі сур'ёзнымі».
«Мы, сапраўды, чулі гэтыя заявы, мы ўважліва цяпер іх аналізуем», — сказаў Пяскоў.
Паводле яго слоў, важна разумець, хто будзе запускаць і нацэльваць гэтыя ракеты.
Таксама ён адказаў на пытанне, якім будзе адказ Масквы ў выпадку пастаўкі Украіне «Тамагаўкаў».
«Няма ніякай панацэі, якая цяпер можа змяніць сітуацыю на франтах для кіеўскага рэжыму. Няма чароўнай зброі. І няхай гэта будуць «Тамагаўкі» ці іншыя ракеты, яны не змогуць змяніць дынаміку», — сказаў Пяскоў.
Спецпрадстаўнік Трампа Кіт Келаг пацвердзіў, што Уладзімір Зяленскі звяртаўся да амерыканскага прэзідэнте з просьбай аб атрыманні крылатых ракет. Па словах Келага, Белы дом пакуль не прыняў рашэнне па гэтым пытанні.
Каментары