Вашынгтон абмяркоўвае магчымасць паставак ракет Tomahawk іншым краінам NATO для іх далейшай перадачы Кіеву
Гэтыя ракеты могуць біць з Украіны далёка ўглыб тэрыторыі Расіі.
Віцэ-прэзідэнт ЗША Джэй Дзі Вэнс паведаміў, што Вашынгтон абмяркоўвае магчымасць паставак крылатых ракет Tomahawk іншым краінам NATO для іх далейшай перадачы Кіеву.
Канчатковае рашэнне прыме Дональд Трамп.
«Вы пытаецеся пра Tomahawk. Канчатковае рашэнне па гэтым пытанні будзе прынята прэзідэнтам. Прэзідэнт будзе рабіць тое, што адпавядае найлепшым інтарэсам Злучаных Штатаў. (…) Хай пра гэта кажа прэзідэнт, але я ведаю, што мы абмяркоўваем гэтае пытанне проста цяпер», — заявіў Вэнс у інтэрв'ю тэлеканалу Fox News.
Раней Уладзімір Зяленскі прасіў Дональда Трампа перадаць Украіне ракеты Tomahawk.
Высокадакладныя амерыканскія крылатыя ракеты Tomahawk маюць далёкасць да 2500 км у залежнасці ад мадыфікацыі (амерыканскія ATACMS, напрыклад, маюць далёкасць да 300 км). Імі можна наносіць удары з Украіны далёка ўглыб тэрыторыі Расіі. У мінулым былы прэзідэнт ЗША Джо Байдэн адмаўляў перадаваць Кіеву гэтыя ракеты.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары