У 2021 годзе самалёт Ryanair, у якім ляцелі Соф'я Сапега разам з Раманам Пратасевічам з Афін у Вільню, быў прымусова пасаджаны ў Мінску. Маладых людзей знялі з рэйса і арыштавалі. Пратасевіча ў выніку асудзілі на 8 год па справе Nexta, але дзякуючы памілаванню нават не даехаў да калоніі. Соф'і дасталася 6 год за датычнасць да тэлеграм-канала «Чорная кніга Беларусі», з якіх у калоніі яна правяла год, пасля чаго была вызваленая па памілаванні.
Соф'я нарадзілася ў Уладзівастоку, таму мае расійскае грамадзянства. Пасля вызвалення яе адвезлі ў Расію.
Адразу пасля гэтага дзяўчына паляцела ў Дубай, а потым у Тайланд на адпачынак. Соф'я вядзе ціхі, немедыйны лад жыцця. Але праз яе знаёмых «Наша Ніва» змагла даведацца, як у яе справы.
Хадзілі чуткі, што Соф'я сустракаецца з маладым чалавекам. Новыя адносіны сапраўды былі, але не так даўно пара разышлася.
Што тычыцца Пратасевіча, то Сапега даўно казала, што «Ромы для яе больш не існуе». Пасля памілавання хлопец застаўся ў Беларусі і зноў сышоўся са сваёй былой жонкай — фармацэўткай і экстрасэнсам Маргарытай Грыцкевіч, але і другі іх шлюб доўга не пратрымаўся. Неўзабаве анкета экс-рэдактара Nexta з’явілася на сайце знаёмстваў.
Чытайце таксама: Соф'я Сапега: Пратасевіча для мяне больш не існуе
«Сафія казала, што даўно адпусціла падзеі тых год. Рому ёй выключна шкада. Яна вучыцца жыць у новых рэаліях і імкнецца менш чытаць навіны», — падзяліўся знаёмы дзяўчыны.
Сапега знаходзіцца за мяжой, «у бяспецы», і цяпер актыўна шукае сабе працу.
«А яшчэ яна завяла шчанюка і з задавальненнем займаецца яго гадаваннем», — распавёў суразмоўца.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары
Пакаленне - дайця грошай!....