Справа ліфцёра. Сталі вядомыя новыя падрабязнасці справы маньяка з Магілёва
Днямі міліцыя аб’явіла пра раскрыццё гучнай справы: затрымалі маньяка з 90-х, які забіў 8 дзяўчынак і маладых жанчын. Дзяржаўны канал АНТ дадаў дэталяў.
53‑гадовы жыхар Магілёва Юрый Дзям’янаў, па звестках следства, здзейсніў 8 забойстваў і 2 замахі на забойства, спалучаных са згвалтаваннямі. Ад яго рук загінулі 8 беларусак ва ўзросце ад 12 да 20 гадоў. Ён нападаў на ахвяр у Магілёве, Віцебску, Оршы і Жодзіне.
У сюжэце паказалі кадры затрымання Дзям’янава — ён ехаў па горадзе на ровары.
Увесь гэты час ён працаваў на «Магілёўліфтмаш». Жыў адзін. Дома ў яго знайшлі шмат дзіцячых і жаночых рэчаў, а да сцяны быў прымацаваны ноўтбук, на якім бесперапынна трансліравалася парнаграфія.
Першае забойства крывавай серыі адбылося ў Магілёве ў дзевяноста шостым годзе. Сямнаццацігадовая дзяўчынка не дайшла дадому. Яе задушылі на лесвічнай пляцоўцы яе ж шалікам, аднеслі на дах дзевяціпавярховіка, распранулі і згвалцілі.
Орша, дзевяноста сёмы год. Дзяўчынка, якой было ўсяго 12, вярталася са школы, што ў суседнім двары. Паводле следства, Дзям’янаў задушыў яе ў пад’ездзе, згвалціў, кінуў цела каля смеццеправода і сышоў.
Маньяк заўсёды дзейнічаў у шматпавярховіках і нападаў удзень, калі ў школах перапынак. Высочваў худзенькіх дзяўчынак, якія не ў стане былі даць адпор, і ішоў за імі да самага дома.
Адно з забойстваў адбылося ў Барысаве. Маньяк зайшоў разам з ахвярай у пад’езд, а затым і ў ліфт. У ліфце ён дастаў нож і пачаў пагражаць. Пятнаццацігадовая дзяўчынка запанікавала і пачала супраціўляцца. Злачынца выцягнуў ахвяру на балкон на сёмым паверсе і перарэзаў ёй горла.
Скрываўленую дзяўчынку ён прыцягнуў на лесвічны марш і збіраўся згвалціць. Але ў гэты момант ён пачуў гук — хтосьці спускаўся зверху. Гэта быў мужчына, які жыў у гэтым доме. Ён убачыў дзяўчынку, усё было ў крыві. Каля ліфта ён сустрэў маньяка, але падумаў, што гэта такі ж сведка. Ён папрасіў злачынцу папільнаваць дзяўчынку, а сам пабег дадому выклікаць міліцыю. Але ў гэты час маньяк зайшоў у ліфт і ўцёк.
Паказанні сведак і фотаробаты разыходзіліся. Экспертызу па біялагічных слядах, пакінутых на ахвярах, тады праводзілі ў Германіі, але яна паказала толькі частку геному, і гэтага было недастаткова.
У відэа паказалі кадры допыту Дзям’янава.
Следчы: Якія злачынствы і забойствы вы яшчэ здзяйснялі?
Затрыманы: Так… два. Задушыў…
Ён задушыў яшчэ адну дзяўчыну з Оршы, якая загарала на даху шматпавярховіка. Накінуў на шыю купальнік, але гвалціць не стаў.
Такім жа спосабам Дзям’янаў забіў пятнаццацігадовую дзяўчынку з Магілёва. Высачыў у дварах, зайшоў за ёй у ліфт і выцягнуў на сёмым паверсе. Потым паваліў і зацягнуў на шыі бюстгальтар. Цела панёс на дах, распрануў і пачаў гвалціць.
Маньяк халаднакроўна ўзнаўляе ўсе дэталі здзеку над ужо мёртвым целам.
Пра пятую ахвяру ў сюжэце расказвае яе маці. Дачку Інгі забілі ў чэрвені 1998 года ў Віцебску. Аляксандры Пяткевіч было 15 гадоў.
«Праз некалькі месяцаў так жа жорстка была забітая яшчэ адна дзяўчынка пры падобных абставінах і падобнага ўзросту. Горад знаходзіўся ў здранцвенні», — успамінае Інга.
Апошняе забойства ў Жодзіне вылучаецца асаблівай жорсткасцю. Дванаццацігадовую дзяўчынку Дзям’янаў забіў проста ў кватэры. Зайшоў за ёй у пад’езд, убачыў, што ліфт не выкліканы, і пачаў ламіцца ў дзверы на першым паверсе. Адна з іх адкрылася. Малая была дома адна.
«Дастаў з кішэні нож, уваткнуў вось сюды ў шыю і перарэзаў сонную артэрыю знізу ўверх. [Гукавы сігнал цэнзуры] мастурбаваў… і баяўся знаходзіцца ў кватэры, што хтосьці прыйдзе. Мне здавалася, што хтосьці прыйдзе, і я сышоў. А дзяўчыну пакінуў… накрыў яе коўдрай і пакінуў», — расказвае затрыманы на следчым эксперыменце.
На жываце забітай дзяўчынкі ён выразаў крыж, а яшчэ спрабаваў адрэзаць грудзі, каб, як пазней тлумачыў на допыце, паспрабаваць на смак.
Маньяка знайшлі дзякуючы развіццю тэхналогій. Год таму ў кожнай вобласці стварылі рабочыя групы па раскрыцці злачынстваў мінулых гадоў.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары
І, калі ласка, накіруйце свае пажаданні здароўя і прывітанні спадару, згаданаму ў гэтым артыкуле, [Рэд. Выдалена]
[Зрэдагавана]
Пра гэта? Нехта па фільму прыдумаў і пабудаваў сваю версію ("я так понимаю"), Вы яе выдаяце ўжо як факт ("кто-то был" без "я так понимаю").
Вось так і нараджаюцца плёткі.
Пры гэтым у фільме кажуць пра дзіцячыя і жаночыя рэчы, але не кажуць, што гэта тыя самыя рэчы ахвяр.
P.S. Парадокс сучаснага жыцця РБ у тым, што рэпартаж вядзе Андрэй Аляксандраў - памагаты карнікаў. Пра яго ёсць артыкул на НН. Маньяка выкрывае чалавек, які сам мае сумнеўныя маральныя якасці.
І двухсэнсоўна гучыць фраза дыктара пры канцы фільма "Последний маньяк Беларуси предстанет перед судом". Галоўны і апошні маньяк яшчэ на свабодзе і кіруе вамі.