Прэзідэнт ЗША Дональд Трамп восьмы раз публічна выказаў расчараванне ў сувязі з дзеяннямі Уладзіміра Пуціна, падлічыла выданне The Moscow Times.
Падчас сустрэчы з прэм'ер-міністрам Канады Маркам Карні ў Белым доме амерыканскі лідар заявіў, што завяршэнне вайны Расіі супраць Украіны можа аказацца складанейшым, чым дасягненне міру на Блізкім Усходзе, дзе здзелка, па яго словах, ужо блізкая да заключэння.
«Гэта вар'яцтва — проста вар'яцтва. Я думаў, гэта будзе адзін з простых выпадкаў. У мяне добрыя адносіны з Пуціным, і я думаў, што гэтае пытанне можна будзе ўладзіць. Я вельмі расчараваны ў ім, таму што лічыў, што гэта будзе лёгка ўрэгуляваць, але аказалася, што, магчыма, гэта нават складаней, чым Блізкі Усход», — адзначыў Трамп.
Ён дадаў, што, паводле ягоных звестак, на мінулым тыдні праз баявыя дзеянні ва Украіне загінулі 7 812 чалавек, у асноўным вайскоўцы.
Гэта ўжо восьмая заява амерыканскага прэзідэнта пра яго расчараванне Пуціным.
Упершыню ён сказаў гэта 1 ліпеня, пасля тэлефоннай размовы з гаспадаром Крамля.
8 ліпеня Трамп паўтарыў, што «расчараваны», і пры гэтым паведаміў пра планы паставіць Украіне дадатковае ўзбраенне.
15 ліпеня ён адзначыў, што «расчараваны, але не спыняе адносін».
28 ліпеня Трамп зноў падкрэсліў: «Я вельмі расчараваны прэзідэнтам Пуціным. Паглядзім, як будзе развівацца сітуацыя», — пры гэтым прыгразіўшы скараціць тэрмін у 50 дзён, які раней адвёў Пуціну для спынення вайны ва Украіне.
2 верасня амерыканскі лідар паўтарыў тую ж фразу: «Я вельмі расчараваны ў ім. У нас з ім заўсёды былі выдатныя адносіны, але я расчараваны».
25 верасня Трамп зноў згадаў сваё расчараванне на сустрэчы з турэцкім прэзідэнтам Рэджэпам Таіпам Эрдаганам, заклікаўшы яго спыніць закупку расійскай нафты.
30 верасня, выступаючы перад журналістамі, ён у чарговы раз заявіў: «Я так расчараваны Уладзімірам Пуціным. Я думаў, ён скончыць з гэтай справай».
Раней Трамп таксама казаў, што Пуцін «чацвёрты год змагаецца ў вайне, якая павінна была завяршыцца за тыдзень», і называў Расію «папяровым тыграм». Расійскую эканоміку ён ахарактарызаваў як такую, што «развальваецца», і выказаў меркаванне, што Украіна здольная перамагчы Расію ў ваенных адносінах.
Трамп заявіў, што ён «у нейкім сэнсе» прыняў рашэнне наконт паставак Украіне ракет Tomahawk
Расія пасля радыкалізацыі рыторыкі Трампа на 40% узмацніла атакі на ўкраінскія гарады
Трамп: Міру ва Украіне дасягнём праз сілу
Зяленскі: Я веру, што Трамп хоча перамогі Украіны
Трамп зноў раскрытыкаваў Пуціна, заявіўшы, што павольная акупацыя Украіны шкодзіць рэпутацыі Расіі
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»3
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Чаму ? Калі не стане на карце свету дзяржавы Беларусь, а стане чарговая калонія pасеі, то ніякай дэмакратыі , правоў чалавека, пакою не будзе ніколі. Бо ў pасейскіх імперыях ніколі дэмакратыі не было і не будзе. Бо pасея гэта Мангольская (К. Маркс) імперыя. У Мангольскіх імперыях дэмакратыі не можа быць нават тэарэтычна .
Шмат хто ў РБ дагэтуль не разумеюць геніяльную прастату дактрыны Трампа–Рэйгана. Тут не столькі пра танкі як пра эканоміку . Стратэгічная нафтавая вайна.
у 1991-м кошт нафты абрынуўся да $15–23 за барэль. Бальшавіцкая імперыя, залежная ад высокіх нафтавых даходаў, не вытрымала шоку. Сёння Маскоўская імперыя патрабуе $42.4+ толькі каб збалансаваць бюджэт. Менш — і механізмы спыняюцца. Гэта і ёсць сутнасць пакойнага плана Трампа — сучаснае адгалоссе стратэгіі Рэйгана ў студзёнай вайне. Як сказаў Майкл Рэйган: «Рэйган перамог бальшавіцкую імперыю без адзінага стрэлу — яго суперзброяй была нафта».