Прэзідэнт ЗША Дональд Трамп выступіў перад амерыканскімі генераламі і адміраламі, сабранымі міністрам абароны Пітам Хегсэтам з усяго свету. Ягоная прамова была вельмі бескампрамісная і па сваёй танальнасці працягвала тую лінію, якую перад тым задаў у сваім выступленні Піт Хегсэт
Прэзідэнт Трамп пачаў свой сённяшні выступ перад генералітэтам з жарту.
«Калі вам не падабаецца тое, што я кажу, — можаце выйсці з залы. Развітайцеся са званнем, развітайцеся з будучыняй»
Зала выбухнула смехам.
«Пуцін… — а я яго ведаю — я думаў, што вайну ва Украіне закончыць будзе найпрасцей… Мы мусім неяк дамовіцца, каб Пуцін і Зяленскі селі [за стол перамоваў]. Але мы мусім дасягнуць гэтага праз сілу. Яны мусяць ведаць, што мы моцныя», — патлумачыў Трамп сваю цяперашнюю пазіцыю наконт Украіны ў выступе перад генералітэтам.
Па яго словах, у наступным годзе на вайсковыя патрэбы ЗША выдзеляць 1 трыльён даляраў.
«Я паабяцаў выдзеліць больш за 1 трыльён даляраў на нашы вайсковыя патрэбы ў 2026 годзе — гэта самая вялікая сума ў гісторыі нашай краіны. Спадзяюся, вам гэта спадабаецца. Дамы і панове, спадзяюся, вам спадабаецца. Гэта халерна шмат грошай», — сказаў прэзідэнт ЗША.
Таксама ў сваім выступленні ён адзначыў, што падводныя лодкі ЗША нібыта апярэджваюць расійскія і кітайскія на 25 гадоў, але расслабляцца не варта.
«Мы апярэджваем Расію і Кітай у падводных лодках на 25 гадоў. Расія на другім месцы, Кітай на трэцім, але яны даганяюць. Праз пяць гадоў яны будуць на роўных. Яны даганяюць», — заявіў прэзідэнт ЗША.
Каментуючы план ЗША па спыненні агню ў сектары Газа, Трамп сказаў, што дае групоўцы ХАМАС усяго 3‑4 дні. Калі арганізацыя не пагодзіцца на ягоную мірную прапанову, «будзе вельмі сумны канец».
Трамп выказаў упэўненасць, што ніводная краіна ў свеце не асмеліцца кінуць выклік і пагражаць ЗША.
«Ніводная краіна не адважыцца кінуць нам выклік, мы настолькі магутныя, што ніводзін вораг не асмеліцца нам пагражаць. Мы настолькі здатныя, што ніводзін праціўнік не можа нават падумаць пра тое, каб перамагчы нас».
У сваёй прамове ён згадаў пра намесніка старшыні Рады бяспекі Расіі, былога прэзідэнта Дзмітрыя Мядзведзева, назваўшы яго «тупым чалавекам»:
«Расія нам злёгку пагражала не так даўно. І я адправіў атамныя падводныя лодкі — самую смяротную зброю са створаных. Я зрабіў гэта праз ягоную згадку слова «ядзерны»… Гэта быў тупы чалавек, які працуе на Пуціна. І я адправіў падлодку ці дзве да берага Расіі. Проста для засцярогі. Мы не можам дазволіць людзям раскідвацца гэтым словам направа і налева», — сказаў Дональд Трамп.
Ён пахваліўся, што аднавіў ядзерны патэнцыял ЗША і выказаў надзею, што яго не давядзецца ўжываць.
«Я аднавіў наш ядзерны патэнцыял, як вы, верагодна, ведаеце, але мы таксама правядзём яго мадэрнізацыю — і будзем спадзявацца, што нам ніколі не прыйдзецца яго выкарыстоўваць».
Міністр абароны ЗША: Мужчын у сукенках і прайдаў у войску не будзе. Барадатых і з лішняй вагой таксама
Трамп прыдумаў план міру для Газы. Яго падтрымалі амаль усе
Ціханоўская: Рыторыка Трампа адносна Лукашэнкі непрыемная для нас, але яна дазваляе вызваляць людзей
«Ніякіх забароненых месцаў не існуе». Келаг кажа, што Трамп дазволіў Украіне наносіць дальнабойныя ўдары
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць32
Каментары
Испытания ЯО, которое проведет до нового года РФ, немного покалыхает землю.
Тренд грустный.