Пасля жудаснай аварыі ў Светлагорскім раёне шпіталізавалі восем чалавек
Міністэрства аховы здароўя паведаміла, што ўсяго ў аварыі маршруткі ў Светлагорскім раёне пацярпелі 19 чалавек, з іх шасцёра загінулі на месцы.
Васьмі пацярпелым, у тым ліку аднаму падлетку, спатрэбілася шпіталізацыя.
Трое людзей пакінулі месца здарэння на спадарожным транспарце да прыезду медыкаў, а двое пасля медыцынскага агляду адмовіліся ад шпіталізацыі і засталіся пад амбулаторным наглядам.
У шпіталізаваных дыягнаставалі адкрытыя пераломы, вывіхі, траўмы, чэрапна-мазгавыя пашкоджанні. Медыкі праводзяць усе неабходныя абследаванні і лячэбныя працэдуры.
На месца аварыі былі накіраваныя брыгады хуткай дапамогі, у тым ліку рэанімацыйныя і фельчарскія групы, паведаміў Рэспубліканскі цэнтр арганізацыі медыцынскага рэагавання.
У Светлагорскай цэнтральнай раённай бальніцы загадзя падрыхтавалі дадатковыя аперацыйныя, хірургічныя і траўматалагічныя кабінеты, каб своечасова прыняць пацярпелых.
Для дапамогі мясцовым спецыялістам з Гомеля былі накіраваныя хірург, траўматолаг, нейрахірург, таракальны хірург і рэаніматолаг-анестэзіёлаг.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект1
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары