Ксенія Дзягелька (Шамякова), якая запомнілася агнявым выкананнем патрыятычнага рэпа «Я з вёскі», асвоіла новую прафесію.
Дзяўчына пажартавала ў інстаграме, што цяпер жыве за кошт мужчын. Такім чынам яна распавяла, што вывучылася на барбера — мужчынскага цырульніка.
Ксенія з мужам і дачкой цяпер жыве ў Вільні. Запісацца да яе на стрыжку можа любы ахвотны праз спецыяльны сэрвіс паслуг Treatwell.
Мужчынская фрызура ад Ксеніі Дзягелька абыдзецца ў 25 еўра, разам з укладкай барады будзе каштаваць 40 еўра.
Маленькіх дзетак Ксенія стрыжэ за 20 еўра. Таксама яна можа выканаць дэпіляцыю твару воскам.
Ксенія Дзягелька нарадзілася ў пасёлку Акцябрскі Гомельскай вобласці. Песню «Я з вёскі» для яе напісаў мясцовы блогер Андрэй Павук. Рэп піянеркі з агітацыяй купляць усё беларускае і любоў да радзімы завірусіўся — на сёння яго паглядзела больш за 1,5 мільёна чалавек.
Пасля выпуску са школы Ксенія скончыла Універсітэт культуры, выйшла замуж і нарадзіла дачку.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары