У Крамлі заявілі, што падчас тэлефоннай размовы прэзідэнта ЗША Дональда Трампа і прэзідэнта Расіі Уладзіміра Пуціна 16 кастрычніка сярод іншага падымалася і пытанне патэнцыйнай перадачы Украіне дальнабойных крылатых ракет Tomahawk. Пра гэта паведаміў памочнік Пуціна Юрый Ушакоў.
«Пуцін у размове з Трампам заявіў, што магчымая пастаўка ракет «Тамагаўк» нанясе істотную шкоду адносінам дзвюх краін, не кажучы ўжо пра перспектывы ўрэгулявання ва Украіне», — заявіў Ушакоў.
На ўдакладняючае пытанне, ці прыме Трамп рашэнне аб пастаўках гэтых ракет ва Украіну да сустрэчы з Пуціным, Ушакоў адказаў так:
«Трамп згадаў, што ён заўтра сустракаецца з Зяленскім, і сказаў таксама, што падчас кантакту з Зяленскім ён улічыць тыя меркаванні, якія былі выказаныя прэзідэнтам Расеі падчас сённяшняй тэлефоннай размовы».
Таксама, па яго словах, Пуцін расказаў Трампу, што войскі РФ нібыта цалкам валодаюць «стратэгічнай ініцыятывай» па ўсёй лініі баявога сутыкнення, а «кіеўскі рэжым звяртаецца да тэрарыстычных метадаў, на якія Расія вымушаная адказваць».
У Крамлі дадалі, што Будапешт як месца сустрэчы быў прапанаваны Трампам, а Пуцін гэта падтрымаў. Сама ж размова нібыта адбылася з ініцыятывы расійскага боку.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары