ЗША 15 кастрычніка рыхтуюцца зрабіць «вялікую заяву» пра пастаўкі ўзбраення Украіне. Пра гэта ў Бруселі на прэс-канферэнцыі заявіў пастаянны прадстаўнік ЗША пры НАТА Мэцью Уітакер.
Уітакер заклікаў краіны Паўднёвай Еўропы больш актыўна падключацца да праграмы альянсу PURL, праз якую еўрапейскія дзяржавы могуць купляць амерыканскую зброю для перадачы Украіне. Ён таксама адзначыў, што ў ЗША ёсць «магутныя сродкі», перадача якіх можа «змяніць суадносіны сіл» і прымусіць Расію сесці за стол перамоў.
У цэнтры дыскусій — магчымая пастаўка Украіне крылатых ракет Tomahawk. У пачатку кастрычніка прэзідэнт ЗША Дональд Трамп сказаў, што ён «у нейкім сэнсе прыняў рашэнне» пра такія пастаўкі і дапусціў іх у выпадку, калі Расія адмовіцца ад перамоў.
Прэзідэнт Украіны Уладзімір Зяленскі і Дональд Трамп ужо абмяркоўвалі гэтае пытанне па тэлефоне; паводле паведамленняў, абмеркаванні працягнецца падчас сустрэчы ў Белым доме 17 кастрычніка.
Аналітыкі адзначаюць, што «Тамагаўкі» дазволяць Украіне біць па важных аб’ектах у тыле праціўніка, што можа аслабіць лагістыку і забеспячэнне расійскай арміі.
Магчыма, ЗША змогуць перадаць Украіне толькі 20—50 ракет Tomahawk
Трамп пагражае даць Кіеву Tomahawk, калі Пуцін не скончыць вайну. Што могуць змяніць гэтыя ракеты?
Трамп: ЗША могуць перадаць Украіне ракеты «Тамагаўк», калі Расія не пакладзе канец вайне ў найбліжэйшы час
Зяленскі і Трамп па тэлефоне абмеркавалі пастаўкі «Тамагаўкаў» Украіне
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары