«Гуляць нельга!!!» У краме цацак «Палессе» настойліва просяць нічога не чапаць
У адной з фірмовых крам дзіцячых цацак «Палессе» амаль усюды былі прычапілі паперкі з забаронай гуляць і кучай клічнікаў.
На машынку-талакар (вялікая машынка, на якой ганяюць дзеці, што адносна нядаўна навучыліся хадзіць) прыляпілі паперку «Катацца нельга!!!», на каня-качалку — такую ж самую. На мініяцюрны варыянт вазочка для пакупак — «Вазочак не катаць». Побач з распакаваным канструктарам — «Гуляць нельга!!!».
Здаецца, нават у некаторых музеях менш трасуцца над экспанатамі.
Фотаздымкі з крамы апублікавала вядучая «Добрай раніцы, Беларусь!» на БТ Вольга Венская.
Хутчэй за ўсё, фота былі зроблены ў «Першым нацыянальным гандлёвым доме».
Вольга Венская задаецца пытаннем, ці дарэчныя такія надпісы ў дзіцячай краме цацак. Яна лічыць, што прыдумаць такое маглі толькі богі антымаркетынгу.
Тэлевядучая прапанавала беларускаму вытворцу ўсё ж змяніць падыход:
— У краме цацак я б зрабіла асобную гульнявую зону, дзе дзецям і дарослым можна было б усё чапаць, круціць, гуляць, катаць, спавіваць, будаваць, — гэта значыць, выпрабоўваць цацкі. Натхняцца і ісці на касу. А такія надпісы зусім не пра пакупкі з настроем.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам6
Каментары