Пасля апошніх інцыдэнтаў з паветранымі шарамі ў Літве затрымалі чатырох чалавек
Генеральная пракурорка Літвы Ніда Грунскене заявіла, што пакуль няма доказаў таго, што кантрабандныя паветраныя шары з цыгарэтамі, якія залятаюць у Літву з боку Беларусі, з’яўляюцца формай гібрыднай атакі супраць краіны. Аднак следчыя разглядаюць розныя версіі і збіраюць доказы, каб высветліць, што гэта арганізаваная дзейнасць, паведамляе LRT.
Па словах Грунскене, толькі ў гэтым годзе распачатая 21 крымінальная справа аб перапраўцы кантрабандных цыгарэт з дапамогай метэаралагічных шароў, у якіх ужо выяўлена 50 падазраваных.
За дзевяць месяцаў гэтага года зафіксавана больш за 500 выпадкаў выкарыстання шароў для кантрабанды. Частка спраў аб’ядноўваецца, каб выявіць усю сетку арганізатараў, а не толькі асоб, якія збіраюць тавар пасля падзення шароў.
На сёння 16 спраў перададзена ў суд, 12 ужо разгледжана, 4 яшчэ разглядаюцца. У выніку суды асудзілі 18 чалавек, прызначыўшы штрафаў на суму больш за 111 тысяч еўра; некалькі чалавек атрымалі тэрміны пазбаўлення волі ў сярэднім на 1 год і 5 месяцаў.
Грунскене адзначыла, што цяпер гэтыя выпадкі кваліфікуюцца як кантрабанда цыгарэт, але пры гэтым падкрэсліваецца асаблівая небяспека — шары могуць быць выкарыстаныя для перавозкі не толькі цыгарэт, але і наркотыкаў ці зброі.
Паводле яе, патрэбна змена Крымінальнага кодэксу, каб такія дзеянні можна было разглядаць як магчымыя гібрыдныя атакі або пагрозы нацыянальнай бяспецы.
Таксама пракурорка паведаміла, што пасля апошніх інцыдэнтаў былі затрыманыя 4 чалавекі, якім прызначылі двухмесячны арышт. За 9 месяцаў выяўлена і канфіскавана больш за 730 тысяч пачкаў цыгарэт агульным коштам каля 3,55 мільёна еўра.
Акрамя таго, пракуратура звярнулася да кіраўніцтва аэрапортаў, каб ацаніць шкоду, нанесеную з-за перапынення палётаў, выкліканага з’яўленнем шароў у паветры.
На мінулым тыдні ў Вільні і Коўне некалькі разоў прыпынялі палёты, калі фіксавалі залёт кантрабандных шароў з боку Беларусі. У выніку ўлады Літвы вырашылі закрыць беларуска-літоўскую мяжу прынамсі на месяц з 29 кастрычніка да 30 лістапада.
Сёлета літоўскія памежнікі перахапілі ўжо 545 шароў з кантрабандай і 50 дронаў з Беларусі
Для паветраных шароў з Беларусі ў Літву спрыяльны вецер дзьме 51 дзень у год
ЗША далі зразумець Лукашэнку, што чакаюць спынення запуску метэазондаў у Літву
У панядзелак увечары ў Літве зноў былі зафіксаваныя паветраныя шары, але Віленскі аэрапорт не закрывалі
«Гэта — прэлюдыя вайны». Былая міністарка абароны Літвы пра прылёты паветраных шароў з Беларусі
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары