Грамадства2222

Пракуратура палічыла навагоднія цацкі з Ларысай Геніюш, што прадаваліся ў «Каляднай краме», рэабілітацыяй нацызму

Навагоднія цацкі з выявай Ларысы Геніюш, якія прадаваліся ў мінскай «Каляднай краме», палічылі «рэабілітацыяй нацызму».

«Пракуратура Савецкага раёна г. Мінска падчас маніторынгу ў сетцы інтэрнэт выявіла прапановы на набыццё ў адной з крам сталіцы прадукцыі, звязанай з рэабілітацыяй нацызму, і запатрабавала выключыць яе з продажу. Устаноўлена, што ў адной з крам публічна дэманструюцца, а таксама прапануюцца да набыцця тавары ў выглядзе навагодніх цацак з выявай Ларысы Геніюш», — гаворыцца ў паведамленні мінскай пракуратуры.

Адзначаецца, што Ларыса Геніюш была асуджаная прысудам Вярхоўнага суда БССР ад 7 лютага 1949 года паводле артыкулаў 66, 76 Крымінальнага кодэкса БССР (у рэдакцыі 1928 года) за «здраду Радзіме» і «ўдзел у антысавецкай арганізацыі».

«Падчас Другой сусветнай вайны яна знаходзілася на тэрыторыі Чэхаславакіі і ўдзельнічала ў напісанні звароту «беларусаў пратэктарата Чэхіі і Маравіі» да Адольфа Гітлера. Яе дзейнасць была цесна звязаная з нацысцкай прапагандай на захопленых беларускіх землях. Неаднаразова ўздымалася пытанне аб рэабілітацыі Ларысы Геніюш, аднак Вярхоўны Суд пастанавіў, што падставаў для яе рэабілітацыі няма», — заявілі ў пракуратуры.

Навагоднія цацкі з’яўляюцца прадукцыяй уласнай вытворчасці арганізацыі — уласніка крамы.

Намеснік пракурора Савецкага раёна Мінска ў адрас дырэктара арганізацыі ўнёс прадпісанне аб ліквідацыі парушэнняў заканадаўства аб «недапушчэнні рэабілітацыі нацызму», у якім запатрабаваў ліквідаваць «парушэнні» і выключыць тавары з продажу. Хада правядзення праверкі на кантролі пракуратуры раёна.

Нядаўна «Калядная крама», што месціцца на вуліцы Кальцова ў Мінску, пачала прадаваць серыю ёлачных шароў з партрэтамі беларускіх пісьменнікаў і асветнікаў. Сярод іх былі Васіль Быкаў, Францыск Скарына, Янка Купала, Максім Багдановіч, Уладзімір Караткевіч і іншыя. Была і Ларыса Геніюш.

Менавіта да асобы Ларысы Геніюш прычапіліся прапагандысты.

Паводле ліста з адміністрацыі Савецкага раёна Мінска, апублікаванага даносчыцай Вольгай Бондаравай, міліцыя цяпер праводзіць праверку ў дачыненні «Каляднай крамы».

У лісце, падпісаным кіраўніком адміністрацыі Аляксандрам Шчаковічам, гаварылася, што ў Мінгарвыканкам паступілі электронныя звароты, дзе сцвярджалася, што супрацоўнікі «Каляднай крамы» распаўсюджваюць «матэрыялы, якія рэабілітуюць нацызм», прадаючы цацкі з партрэтам Геніюш.

У выніку краму закрылі.

Каментары22

  • Поклеп
    28.11.2025
    Она не была нацисткой. Она была за Беларусь без большевиков.
  • когда?
    28.11.2025
    Когда же этот, русский нацизм закончится в Беларуси ?
  • Ну-ну
    28.11.2025
    Ішоў энны месяц «адрываньня лукашэнкі ад расеі»

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць