У Мінску адкрыўся рэстаран-музей піва. У ім чатыры тэматычныя залы
На гістарычнай вуліцы Рэвалюцыйнай, у самым сэрцы Мінска, адкрыўся рэстаран-музей. Там на трох паверхах ажывае шматвяковая гісторыя беларускага броварства, піша Tochka.by.
Музей прадстаўлены чатырма тэматычнымі заламі. Кожнаму наведніку прапануюць апынуцца ў сярэднявечнай карчме з масіўнымі дубовымі сталамі, прыглушаным святлом і каванымі элементамі.
Далей ідзе эпоха мадэрну: яе атмасферу стварае рэканструяваная ўстанова канца XIX — пачатку XX стагоддзя. Плаўныя лініі мэблі, мігаценне крыштальных люстраў і гукі піяніна перанясуць у часы, калі піўная культура была сімвалам свецкага жыцця і вытанчанага густу.
Наступная зала, прысвечаная перыяду СССР, стылізаваная пад савецкі рэстаран: агітацыйныя плакаты на сценах, «Папараць-кветка» ў меню і, вядома, легендарны савецкі посуд — гранёныя шклянкі і піўныя кубкі. Тут пануе дух простай і даступнай радасці, дзе піва не раскоша, а частка паўсядзённага побыту.
Кульмінацыя музея — трэці паверх, экспазіцыя «Летапіс завода: ад 1876 да нашых дзён». Гэта сэрца праекта Lidbeer, цалкам прысвечанае гісторыі Лідскага бровару. Госці прасочаць увесь шлях прадпрыемства: ад яго заснавання ў 1876 годзе лідскім мешчанінам Носелем Пупко да статусу флагмана індустрыі.
У экспазіцыі прадстаўленыя эксклюзіўныя архіўныя матэрыялы, асабістыя рэчы заснавальнікаў, піўныя этыкеткі і ўзоры сучаснай прадукцыі.
У музеі даступна браніраванне экскурсій двух фарматаў: з дэгустацыяй напояў і з напоямі ды стравамі беларускай кухні розных эпох.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары