«Нашай Ніве» стала вядома, што Святлане Ціханоўскай не вярнулі ахову ў Літве. Знялі ахову як для супрацоўнікаў Офісу, так і персанальную для Ціханоўскай.
Частка супрацоўнікаў Офісу збіраецца пераязджаць у Польшчу, частка застанецца ў Літве. Ужо разглядаюць варыянты памяшкання ў Варшаве.
У Офісе гэту інфармацыю не пацвярджаюць.
«Мы працягваем працаваць, як раней. Ціханоўская застаецца пад літоўскай аховай, як і раней. Ніякага рашэння пра пераезд няма. На сувязі з Літвой па ўсіх пытаннях бяспекі, калі будуць нейкія змены — паведамім», — пракаментаваў «Нашай Ніве» дарадца Ціханоўскай Франак Вячорка.
Крыніцы «Нашай Нівы» аднак кажуць, што рашэнне ўжо прынятае.
Пра тое, што Святлане Ціханоўскай і яе Офісу знізілі ўзровень аховы ў Літве, стала вядома ў кастрычніку. У сувязі з гэтым давялося часова спыніць працу Офісу.
У Літве лідарка дэмсілаў жыла пасля таго, як пакінула Беларусь у жніўні 2020 года. Ёй забяспечылі кругласутачную фізічную ахову як у Літве, так і за яе межамі. Ціханоўскай таксама быў прысвоены статус афіцыйнага госця катэгорыі C — такі статус звычайна надаецца паслам замежных дзяржаў, кіраўнікам прадстаўніцтваў міжнародных арганізацый, акрэдытаваных у Літве, членам замежных урадаў, членам Еўрапейскай камісіі і іншым асобам аналагічнага ўзроўню. Ціханоўская мае ў Літве дыпламатычную акрэдытацыю.
Паводле даных крыніц LRT.lt, ахова Ціханоўскай і суправаджальныя выдаткі каштавалі дзяржаве прыкладна 1 мільён еўра ў год. У гэтую суму ўваходзіла кругласутачная фізічная ахова ў Літве і за мяжой, аўтамабілі для суправаджэння, утрыманне месца пражывання, а таксама карыстанне VIP-тэрміналамі ў аэрапортах (ахова са зброяй можа праходзіць толькі праз такія).
«Наша Нiва» — бастыён беларушчыны
ПАДТРЫМАЦЬЦяпер чытаюць
Бабарыка зоймецца бізнэсам — ужо адкрыў кампанію ў Германіі18
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары