Праз два тыдні Лукашэнка зноў сустрэўся з паслом Венесуэлы ў Расіі
25 лістапада Аляксандр Лукашэнка прасіў перадаць кіраўніку Венесуэлы, «сябру» Нікаласу Мадура, што «мы яго заўсёды ў Беларусі чакаем — час ужо яму пабываць тут, у Беларусі». Сёння Лукашэнка прыняў пасла пасля ўзгаднення «некаторых пытанняў» з Мадура.
11 снежня Аляксандр Лукашэнка правёў сустрэчу з Надзвычайным і Паўнамоцным Паслом Венесуэлы ў Расіі Хесусам Рафаэлем Саласарам Веласкесам, піша БЕЛТА.
«Зусім нядаўна мы з вамі абмяркоўвалі шэраг праблем у нашых узаемаадносінах, аб сітуацыі вакол Венесуэлы. Тады дамовіліся аб тым, што вы павінны ўзгадніць некаторыя пытанні з кіраўніцтвам Венесуэлы — Нікаласам Мадура. Мы дамовіліся, што пасля ўзгаднення некаторых праблем, пытанняў вы знойдзеце час для таго, каб прыехаць да мяне, яшчэ раз сустрэцца, і каб мы маглі ўжо прыняць адпаведнае рашэнне, якое знаходзіцца ў нашай кампетэнцыі. А калі трэба, потым мы падключым прэзідэнта Венесуэлы», — сказаў Лукашэнка.
Што маецца на ўвазе, пакуль не вядома.
Аляксандр Лукашэнка 25 лістапада ўжо праводзіў сустрэчу з паслом Венесуэлы ў Расіі і заявіў, што адносіны паміж дзвюма краінамі павінны быць больш інтэнсіўнымі і прасунутымі. Ён папрасіў перадаць прэзідэнту Венесуэлы запрашэнне наведаць Беларусь, але таксама не выключыў і магчымасці свайго візіту ў Венесуэлу. «Я буду ўсяляк імкнуцца да таго, каб знайсці час і наведаць Венесуэлу. Часы праблемныя, складаныя, цяжкія. Але тым не менш з любых нявыкрутак і сітуацый можна знайсці выхад, трэба толькі імкнуцца да гэтага», — заявіў Лукашэнка на сустрэчы ў лістападзе.
У гэты ж час прэзідэнт ЗША Дональд Трамп цісне на Мадуру, каб той пакінуў сваю пасаду.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі6
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары