Свет11

Еўрасаюз ухваліў адмову ад расійскага газу. На чарзе — нафтавае эмбарга

Еўрапарламент ухваліў пастанову краін ЕС цалкам адмовіцца ад закупак расійскага газу з 1 лістапада 2027 года. Гэты крок стаў адказам на так званую газавую вайну Крамля, якая прывяла да найбуйнейшага энергетычнага крызісу ў Еўропе пасля ўварвання Расіі ва Украіну. Наступным этапам павінна стаць поўнае эмбарга на расійскую нафту, піша Бі-бі-сі.

Фота: Dmitry Lovetsky / AP

За новы закон прагаласавалі 500 дэпутатаў, супраць выступілі 120. Дакумент дазваляе ўводзіць газавае эмбарга рашэннем кваліфікаванай большасці, а не аднагалосна, як раней. Гэта дае магчымасць абысці вета такіх краін, як Венгрыя і Славакія, якія не жадаюць адмаўляцца ад танных паставак газу з Расіі.

Са слоў дэпутата з Фінляндыі Віле Нііністэ, гэта гістарычны момант, бо Еўрасаюз робіць вялікі крок да энергетычнай незалежнасці і пазбаўляе Расію магчымасці выкарыстоўваць энерганосьбіты як сродак ціску.

Да пачатку вайны Расія забяспечвала каля 40% патрэб ЕС у газе. Цяпер гэтая доля знізілася да 13%. Частка трубаправоднага газу ўсё яшчэ паступае праз Турцыю ў Венгрыю і Славакію, а звадкаваны газ — у іншыя краіны ЕС. Аднак ад звадкаванага газу ЕС плануе адмовіцца яшчэ раней — з 1 студзеня 2027 года.

Паводле ацэнак Еўракамісіі, эмбарга пазбавіць Расію каля 10 мільярдаў еўра даходаў штогод. Сёння ЕС плаціць Расіі каля 1,5 мільядраў еўра на месяц за энергарэсурсы, у той час як да вайны гэтая сума дасягала 12 мільярдаў. Мэта Бруселя — звесці яе да нуля.

Для гэтага неабходна таксама адмовіцца ад імпарту расійскіх нафтапрадуктаў. Хоць сырую нафту ЕС амаль не купляе, ад прадуктаў яе перапрацоўкі ён пакуль цалкам не адмовіўся. Цяпер пад санкцыямі знаходзіцца каля 90% даваенных паставак расійскай нафты і нафтапрадуктаў.

Еўрапарламент намагае, каб Еўракамісія ўжо на пачатку 2026 года падала канкрэтныя прапановы для ўвядзення нафтавага эмбарга. Эксперты адзначаюць, што ЕС мог бы дзейнічаць больш хутка і жорстка, але нават у цяперашнім выглядзе новы закон разглядаюць як значнае дасягненне, бо ён узмацняе агульнаеўрапейскі кантроль над санкцыйнай палітыкай і абмяжоўвае магчымасці для яе блакавання асобнымі краінамі.

Каментары1

  • які жахлівы сорам
    18.12.2025
    1 лістапада 2027 года - праз 5 з паловай год пасля пачатку вайны. І тое, бо Трамп ціснуў, жадаючы зарабіць на іх.
    100500-я ілюстрацыя, што спадзявацца трэба ў першую чаргу на сябе, на такую Еўропу надзеі мала.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць