Стала вядома, калі ў Гомелі пачнуць дэмантаж часткі дома, пацярпелага ад выбуху газу
У Гомелі плануюць пачаць дэмантаж верхніх паверхаў пад’езда шматпавярховага дома на вуліцы Косарава, які пацярпеў у выніку надзвычайнай сітуацыі, у панядзелак, 22 снежня. Пра гэта паведаміў намеснік старшыні Гомельскага аблвыканкама Андрэй Бараноўскі, піша БелТА.
За апошнія дні спецыялісты вызначылі парадак правядзення дэмантажных работ і завяршылі падрыхтоўку тэрыторыі каля дома. Цяпер ідзе падрыхтоўка тэхнікі, яе дастаўка і наладка. Паводле слоў чыноўніка, усе работы арганізаваныя ў планавым рэжыме і істотных праблем не ўзнікае.
Дэмантаж плануюць пачаць раніцай 22 снежня, каля 9‑й гадзіны. У работах будуць задзейнічаны ратавальнікі, праектныя арганізацыі і іншыя службы. Калі не ўзнікне дадатковых ускладненняў, за два дні плануецца разабраць пашкоджаную частку будынка да пятага паверха. Пасля гэтага спецыялісты правядуць дэталёвае абследаванне канструкцый, каб вызначыць далейшы лёс дома.
У сувязі з небяспекай на час дэмантажу жыхароў 1‑га і 2‑га пад’ездаў дома №3, а таксама 6‑га пад’езда дома №5 на вуліцы Косарава папрасілі часова пакінуць свае кватэры да раніцы 22 снежня. Улады падкрэсліваюць, што гэта неабходна для бяспекі, бо немагчыма цалкам прадказаць паводзіны панэляў і будаўнічых канструкцый.
Для часовага размяшчэння людзей у горадзе падрыхтавалі інтэрнаты прыкладна на 200 месцаў. Акрамя таго, 29 жыхароў пацярпелага пад’езда ўжо размясцілі ў гатэлі, ім забяспечана гарачае харчаванне. Сярод паселеных — сем’і з дзецьмі.
Нагадаем, што 17 снежня ў адным з пад’ездаў дзесяціпавярховага дома на вуліцы Косарава абрынуліся перакрыцці. Прычынай стаў выбух газава-паветранай сумесі ў кватэры на сёмым паверсе.
«Такі страшэнны гук быў, я ажно падскочыла». Што зараз адбываецца ў Гомелі, дзе быў разбураны пад'езд
У Гомелі дэмантуюць верхнія паверхі 10‑павярховага дома, які пацярпеў ад выбуху
Дзяржаўныя медыя не кажуць пра ахвяр выбуху ў Гомелі, каб не было негатыву ў дні УНС?
З’явілася відэа моманту выбуху ў Гомелі на вуліцы Косарава
На месцы выбуху ў гомельскім доме працуюць розныя службы
У Гомелі пры выбуху газу абрынуліся перакрыцці ў трох кватэрах
У Гомелі адбыўся выбух у кватэры
Арыштаваны 75‑гадовы Зміцер Санько — ветэран-выдавец3
Каментары