«Кашмар на вуліцы Вязаў» ізноў у вашых снах
На экране — недарэзанае кіно.
«Кашмар на вуліцы Вязаў» (A Nightmare on Elm Street)
ЗША, 2010, каляровы, 95 хв.
Рэжысёр: Сэмюэл Бэйер
Ролі выконваюць: Джэкі Эрл Гейлі, Кайл Гэлнэр, Руні Мара, Кэці Кэсідзі, Томас Дэкер, Келан Луц
Жанр: Фільм жахаў
Адзнака: 4 (з 10)
Група падлетнаў сніць аднолькавы кашмар. Уначы да іх прыходзіць абпаленая пачвара з жалезнымі кіпцюрамі — Фрэдзі Кругер. Героям варта паспяшацца, каб спыніць істоту: паміраючы ў сне, яны паміраюць на яве.
Карціна Сэмюэля Бэйера — паўтор слыннай стужкі 1984 году Уэса Крэйвэна.Фрэдзі Кругер стала прапісаўся ў масавай культуры. Гарны хлопец са сталёвым манікюрам патрашыў удзячных падлеткаў у сямі працягах дый у тэлесерыях.
Праз 26 гадоў гісторыю вырашылі аднавіць. «Ён палохаў вашых бацькоў, цяпер ён прыйдзе за вамі,» — абвяшчае рэклама.
Нязменнага Роберта Энглунда, які быў Фрэдзі, змяніў Джэкі Эрл Гейлі, які здольны граць пачвару й без усялякага грыму. Цікава, што ў першых Вязах Гейлі прагнуў сыграць падлетка, але ягоная роля дасталася Джоні Дэпу. Гейлі — адзіны слушны акторскі падбор у фільме.
Астатнія акторы — занадта дарослыя для падлеткаў.Вялікая няўдача — і падбор музыкі. Карціна палохае вялай пластыкавай нудой з рэзкімі гукамі. Напрыканцы папаўторная стужка рэабілітуецца, але не настолькі, каб увайсці ў залатую скарбонку кінакашмараў.
Цяпер чытаюць
Пратасевіч: У мяне няма ніякіх перспектыў, я нікому не патрэбен18
Каментары