Цёмны рыцар гораду
Цёмны рыцар: Адраджэнне легенды (The Dark Knight Rises)
ЗША — Вялікабрытанія, 2012, каляровы, 165 хв.
Рэжысёр: Крыстафэр Нолан
Ролі выконваюць: Крысціян Бэйл, Том Гардзі, Эн Гэтэўэй, Марыён Каціяр, Джэзэф Гордан-Левіт, Гары Олдмэн, Морган Фрымэн, Майкл Кейн, Кіліян Мёрфі
Жанр: Комікс
Адзнака: 7 (з 10)
 |
Восем гадоў таму Бэтмэн пакінуў горад, узяўшы на сябе чужыя правіны. Але загадкавая зладзейка ў кацінай масцы й тэрарыст Бэйн прымушаюць Бруса Ўэйна ізноў апрануць касцюм Цёмнага рыцара. Толькі Бэтмэн пакутуе ад ранаў, а ворагі апелююць да масаў.
Завяршальная стужка ў трылогіі Крыса Нолана распачалася злачынствам у Дэнверы, дзе псіхапат расстраляў гледачоў. Рэальнасць уварвалася ў кіно, але й сам фільм ужо даўно не звычайны комікс, а трагедыя пра гераізм. Чалавек прагне абараняць іншых, але сілы ўжо не тыя. Герой змагаецца за дабро, а ў ім бачаць зло. Злыя нягоднікі апранаюць маску дабра й патураюць інстынктам натоўпу.
У падмурак кінакоміксу Нолан паклаў твор Дзікенса «Аповесць пра два гарады»,дзе рэвалюцыйныя масы караюць арыстакратаў. Тэрарыст Бэйн ачольвае ахлакратычны пераварот, грамадзяне пляскаюць зверствам, «народны» суддзя — вызвалены Кіліян Мэрфі — пасылае на смерць. Нолан паказвае сацыяльныя механізмы зла, якія вельмі проста запусціць — і вельмі цяжка спыніць. Самотны Бэтмэн — як у іншых нядаўніх коміксах — амаль без маскі; гэта чалавек — які мусіць быць героем, насуперак абставінам — і які далёка не заўжды перамагае.
Трэцяя частка «Бэтмэну» не настолькі эфектная, як другая, але ад экрану ўсё роўна не адарвацца.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары