Падчас пратэстаў у Іране загінулі не менш за 2 тысячы чалавек — Reuters
Агенцтва Reuters без падрабязнасцяў паведаміла са спасылкай на іранскага чыноўніка, што загінулі каля 2 тысяч чалавек.
Агенцтва падкрэсліла, што крыніца ўсклала адказнасць за гібель мірных жыхароў і супрацоўнікаў сіл бяспекі на «тэрарыстаў».
У сваю чаргу брытанскі тэлеканал Iran International заявіў, што 8 і 9 студзеня падчас пратэстаў у Іране загінулі 12 тысяч чалавек.
Гэтыя звесткі журналісты прыводзяць, спасылаючыся на інфармацыю, атрыманую ад крыніцы, блізкай да Вышэйшай рады нацыянальнай бяспекі Ірана, дзвюх крыніц у адміністрацыі прэзідэнта, а таксама на сведчанні некалькіх крыніц у Корпусе вартавых ісламскай рэвалюцыі, паказанні відавочцаў, палявыя справаздачы і звесткі медыцынскіх устаноў.
Тэлеканал сцвярджае, што «з нядзелі аб’ём доказаў і супадзенняў сведчанняў дасягнуў таго ўзроўню, калі стала магчымай адносна дакладная ацэнка». Таксама адзначаецца, што ў цяперашняй сітуацыі падлік ахвяр з’яўляецца складаным і патрабуе значнага часу.
Улады Ірана ў нядзелю абвясцілі трохдзённую нацыянальную жалобу «ў памяць аб пакутніках, якія загінулі ў супраціве Злучаным Штатам і сіянісцкаму рэжыму», паведаміла дзяржаўнае інфармацыйнае агенцтва.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд27
Каментары
І вітайце - Сірыя 2.0