Венесуэла пачала павольна аднаўляць здабычу нафты пасля таго, як ЗША ўвялі санкцыі на яе экспарт у снежні 2025 года. Дзяржаўная нафтавая кампанія PDVSA аднаўляе вытворчасць у раней прыпыненых нафтавых скважынах, паколькі экспарт сыравіны вяртаецца, хоць і пад амерыканскім наглядам, піша Reuters.
У першыя тыдні санкцый экспарт нафтапрадуктаў з Венесуэлы амаль спыніўся, і толькі кампанія Chevron, у рамках сумесных прадпрыемстваў з PDVSA, атрымала ліцэнзію на пастаўкі. Гэта прывяло да таго, што мільёны барэляў нафты засталіся ў нафтасховішчах, а PDVSA была вымушаная часова закрыць скважыны і знізіць здабычу ў сумесных прадпрыемствах.
На мінулым тыдні агульная здабыча сыравіны ў Венесуэле ўпала да прыкладна 880 000 бараляў у дзень, у параўнанні з 1,16 мільёна бараляў у дзень у канцы лістапада. Асноўны нафтавы рэгіён — пояс Арынока — скараціў вытворчасць з 675 000 да 410 000 бараляў у дзень.
На гэтым тыдні з венесуэльскага ўзбярэжжа адышлі два супертанкеры з каля 1,8 мільёна бараляў сыравіны кожны, магчыма, у рамках паставак у 50 мільёнаў бараляў па дамоўленасці паміж Каракасам і Вашынгтонам. Адно з суднаў накіроўваецца да тэрміналу South Riding Point на Багамах.
У PDVSA таксама праводзіцца ўнутраны аўдыт пасля кібератакі ў мінулым месяцы, якая часова паралізавала цэнтральныя сістэмы кампаніі і замарудзіла пастаўкі нафты ды размеркаванне паліва ўнутры краіны. Аўдыт павінен дапамагчы вызначыць кароткатэрміновыя планы па аднаўленні здабычы, перапрацоўкі і захоўвання нафты, а таксама падрыхтаваць прапановы для інвестыцый у рамках 100‑мільярднага плана Трампа па аднаўленні нафтавай прамысловасці Венесуэлы.
Акрамя таго, амерыканскія трэйдынгавыя кампаніі Trafigura і Vitol атрымалі ліцэнзіі на вядзенне гандлю венесуэльскай нафтай, і цяпер вядуцца перамовы з перапрацоўшчыкамі ў ЗША, Індыі і Кітаі наконт паставак сыравіны.
Трамп назваў сябе «выканаўцам абавязкаў прэзідэнта Венесуэлы»
Затрымаць сёння нафтавы танкер амерыканцам дапамаглі ўлады Венесуэлы. Трамп імі задаволены
Трамп хоча здабываць нафту ў Венесуэле. Наколькі гэта рэальна і каму яна дастанецца?
ЗША гатовыя пакінуць уладу паплечнікам Мадура, бо «большасць апазіцыі не знаходзіцца ў Венесуэле»
Хто такая Дэлсі Радрыгес, што заняла месца Мадура. Марыянетка Трампа ці абаронца Венесуэлы?
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру4
Каментары
Ну пра аднаўленне права і законнасці гэта не пра геніяльна лапідарнага.
Права і законнасць - гэта ж клопаты "левакоў", так?
)))