У Іране ўзламалі спадарожнікавае вяшчанне дзяржаўных тэлеканалаў — Рэза Пехлеві заклікаў зрынуць рэжым аятол ВІДЭА
У Іране невядомыя хакеры ўзламалі спадарожнікавую трансляцыю дзяржаўных тэлеканалаў. Замест звычайнага эфіру гледачы ўбачылі зварот Рэзы Пехлеві, сына апошняга шаха Ірана. Ён заклікаў іранскіх вайскоўцаў пераходзіць на бок пратэстоўцаў і дамагацца адхілення вярхоўнага лідара краіны Алі Хаменеі.
Запіс узлому апублікаваў у сацсетцы X блогер і публіцыст Хен Мазіг, заснавальнік Tel Aviv Institute. На кадрах — лозунгі на фарсі і рэакцыя людзей за кадрам.
BREAKING
The Iranian regime state TV was just HACKED.
Pro Reza Pahlavi videos were shown on the screen along with a message for armed forces to defect. pic.twitter.com/HwQ6MAuPEh
«Я зараз заплачу», — кажа жанчына. Мужчынскі голас, пераключаючы каналы, не хавае здзіўлення: «Нават спартыўны канал… Ваў! Яны ўзламалі ўсе каналы».
У адным з фрагментаў таксама бачныя кадры з прэс-канферэнцыі Фрыдрыха Мерца, на якой ён выказаў падтрымку пратэстоўцам.
Паводле звестак актывістаў, колькасць загінулых у выніку пратэстаў у Іране ўзрасла да 5000 чалавек.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі17
Каментары