Эстонская кампанія распрацавала наватарскую ракету-перахопнік супраць шахедаў
Супрацьдронавая ракета Mark I пазіцыянуецца як кіраваны перахопнік малой далёкасці, прызначаны для масавай вытворчасці. Ракета ўжо прайшла выпрабаванні і хутка будзе запушчаная ў вытворчасць.
Распрацоўшчыкам супрацьдронавай ракеты Mark I з’яўляецца эстонскі абаронны стартап Frankenburg Technologies. Кампанія называе сваю распрацоўку самай малой у свеце кіраванай ракетай, даўжыня якой складае ўсяго 60—65 см.
На відэа, прадстаўленым кампаніяй, відаць, як іх ракета Mark 1 узлятае і атакуе беспілотнік з вінтавым рухавіком, які сваімі характарыстыках (хуткасць каля 200 км/г і размах крылаў каля 2 метраў) прыкладна адпавядае памерам тыповага шахеда расійскай вытворчасці («Герань-2»).
Frankenburg Mark I missile in a short-range air-defence engagement against a Shahed-type target
The video shows the Mark I missile in a live-fire test, demonstrating:
- Launch of a moving fixed-wing Class III target drone (200 km/h)
- Target detection and tracking by an external… pic.twitter.com/64cbzQ6jtw
Стартап заяўляе, што ад пачатковай ідэі да дэманстрацыі баявых стрэльбаў прайшло 13 месяцаў — і супрацьпастаўляе гэты тэрмін традыцыйным ракетным праграмам, якія часта расцягваюцца на шмат гадоў. Варта адзначыць, што ракета Mark I была спраектаваная менавіта для баявых выпрабаванняў ва ўмовах рэальнага канфлікту, і цяпер яе рыхтуюць да пастаўкі ва Украіну для праверкі эфектыўнасці.
Пры гэтым кампанія асабліва акцэнтуе, што ракета пабудаваная цалкам з камерцыйна даступных кампанентаў. Гэта дазваляе не толькі забяспечыць маштабнасць вытворчасці, але і радыкальна знізіць кошт — распрацоўшчыкі імкнуцца давесці цану адной ракеты да «нізкага пяцізначнага значэння» (прыкладна 10 000—30 000 даляраў). Такі падыход павінен зрабіць збіццё танных дронаў эканамічна апраўданым, што немагчыма пры выкарыстанні традыцыйных сістэм СПА, дзе адна ракета можа каштаваць мільёны.
Згодна з заявамі кампаніі, далёкасць дзеяння Mark I складае не менш за 2 кіламетры. Ракета можа працаваць як зброя тыпу «стрэліў і забыўся» або выкарыстоўваць захоп цэлі пасля пуску для яе паражэння ў складаных умовах надвор’я. Паведамляецца, што ракеты могуць несці выбухоўку.
Са слоў распрацоўшчыкаў, ракетная сістэма патрабуе ўсяго некалькіх гадзін навучання аператара, што адкрывае магчымасць практычна любому вайскоўцу — або цывільнаму спецыялісту па бяспецы — уносіць свой уклад у місіі супрацьпаветранай абароны.
Паведамляецца, што ракета выклікала вялікую цікавасць у Еўропе. У мінулым годзе найбуйнейшы дзяржаўны абаронны холдынг Польшчы Polska Grupa Zbrojeniowa і эстонская Frankenburg Technologies абвясцілі пра пагадненне аб супрацоўніцтве ў галіне супрацьпаветранай абароны, плануючы выпускаць 10 000 такіх ракет штогод.
У пачатку гэтага года вытворца падпісаў мемарандум аб супрацоўніцтве з брытанскай абароннай кампаніяй Babcock, якая плануе распрацаваць кантэйнерную марскую сістэму запуску для ракет Mark I. Пакуль вядома толькі, што ўсе інжынерныя работы будуць праводзіцца ў Вялікабрытаніі. Іншыя падрабязнасці пакуль не разгалошваюцца.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу10
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары