«Усё святло пайшло на падсветку «Мінск-арэны». Што беларусы гавораць пра цемрадзь на гарадскіх вуліцах і дарогах
Беларусы ў сацсетках актыўна адрэагавалі на тое, як беларускія гарады патанулі ў цемры вечарам 4 лютага. Людзі дзеляцца сваімі назіраннямі, незадаволеннем, а таксама іранічнымі жартамі.
Фота: сацсеткі
«Б**, а дзе святло ў горадзе? Гэта ж жах, нічога не відаць, столькі аварый будзе… Цемрадзь, як дзецям і старым хадзіць…» — піша жыхарка Мінска.
«Я не тое што ў шоку, я ў жаху. 18:00, праспект Незалежнасці, на вуліцы рэальна цёмна, асвятленне адсутнічае. Уключылі ў 19:00. Бяспека хер каго хвалюе. А далей што? Мы ў каменным веку, ці што?» — абураецца іншая.
«Еду па горадзе, цемра як у лесе. У дварах цемра. У пад’езд, каб трапіць, трэба свяціць ліхтарыкам на кнопкі дамафона. […] Для чаго такая эканомія? Лячыць людзей пасля ДТЗ, збітых пешаходаў, траўмаў ад падзення ў цёмных дварах можа быць даражэй, хіба не», — задаецца рытарычным пытаннем іншы карыстальнік.
«18:49 на вуліцах Мінска поўная цемра. Указ у дзеянні. Падышла да акна і здзівілася. Горада не бачна, у цемры рухаюцца аўтамабілі. […] Вось цяпер думаю, як у такія неасветленыя перыяды пераходзіць дарогу, як аўтамабілям перасякаць буйныя скрыжаванні? Гэта ж якраз час пік і людзі вяртаюцца дахаты (на працу будзе тая ж гісторыя, мяркуючы па ўсім). Можна ж пакінуць з ліхтарамі хоць бы скрыжаванні!», — дзівіцца таму, што бачыць з акна, мінчанка.
«Мабыць, усім нам трэба купляць налобныя ліхтарыкі і ў пакеце з сабой насіць соль з пяском, на ўсялякі выпадак. Ёсць тратуары, якія добра пачысцілі да лёду, а пасыпаць, відаць, і рукі не дайшлі, і трактар не даехаў.
Цёмна, цемрадзь проста ў 18:40 і месцамі «прыемны» галалёд. Упасці лёгка і даросламу чалавеку. Пра старых, дзяцей і інвалідаў-вазочнікаў увогуле маўчу. Іх надвор'е і нашы камунальнікі проста «заперлі» дома», — абураецца яшчэ адзін карыстальнік.
Многія беларусы адзначаюць, што кіраванне аўтамабілем стала вельмі складаным у цемры:
«Праехаць нерэгуляваны пешаходны пераход — гэта квэст. Яго не відаць з-за святла сустрэчных фар увогуле. Мабыць, кожнаму трэба спыніцца, выйсці з аўто і праверыць, ці няма пешахода».
«Ехала ў гэты час па праспекце. Гэта, канешне, кашмар. Час пік. Усе як сляпыя кацяняты. А ў спальным раёне ўвогуле бяда. Ёсць там хто на пешаходным, няма… Ну і як у гэты час дзеці, якія ў другую змену вучацца, ідуць са школы… Цемра, не бачна ні люка, ні ямы, ні канавы… Пра іх ніхто не падумаў, шкада…»
«Па-мойму, гэта трындзец нейкі! На МКАД усе тармозяць і баяцца перастройвацца!»
«Ну адключаць святло ў Мінску так, каб у дварах было цёмна, а на дарогах таксама адсутнічала святло — так сабе ідэя. Вэлкам ДТЗ, вэлкам людзі, якія падаюць на лёдзе, вэлкам крадзяжы і гвалт», — прарочыць яшчэ адзін мінчук.
Праспект Незалежнасці ў Мінску. Фота з сацсетак
«— Чаму ў Мінску не гараць ліхтары?
— Усё святло пайшло на падсветку «Мінск-арэны», — жартуюць у каментарах.
«Апладзірую стоячы гэтаму геніяльнаму рашэнню ўключаць вулічнае асвятленне пасля 19-й. Усе едуць дахаты ў абсалютнай цемры, якая праразаецца сляпучым святлом фараў. Пешахода можна толькі як сілуэт на фоне снега адрозніць. Нормы ўзроўню асветленасці выйшлі ў акно.
А вось падсветку фасадаў чамусьці ўключаюць як звычайна. Трэба тэрмінова разабрацца!», — іранізуе тыктокер.
Бульвар Мулявіна ў Мінску. Фота з сацсетак
Мінск і іншыя гарады пагрузіліся ў цемру на наступны дзень пасля заўвагі Аляксандра Лукашэнкі. Падчас нарады па развіцці Віцебскай вобласці ён зладзіў разнос чыноўнікам за безгаспадарлівасць: абурыўся, што ліхтары на вуліцах «загараюцца занадта рана», а на вулічнае асвятленне ідзе «неапраўдана шмат грошай».
Лукашэнка даручыў уключаць вулічныя ліхтары не раней за 19‑20 гадзін, а выключаць не пазней за 7-ю. Як бачым, энергетычныя службы адрэагавалі маланкава.
А пакуль беларусы абураюцца, дзяржаўныя пропагандысты ўжо пачалі апраўдваць новаўвядзенне.
«Цяпер у нас не Лас-Вегас, цяпер і нармальна, і добра. Больш душэўнасці цяпер, праведнасці. Урэшце, вечарам дома каханнем трэба займацца», — здзекуецца з людзей у добра асветленай студыі Рыгор Азаронак.
Дзе працуюць і як выглядаюць жонкі топ-чыноўнікаў?
«Мільён дзякуй усім». Павел Белавус напісаў першы пасля вызвалення пост у фэйсбуку11
Журналістка ў Вільні паспрабавала паразмаўляць з удзельнікам акцыі супраць міграцыі ў Літву. Аказалася, што ён не гаворыць па-літоўску ВІДЭА2222
«Рыхтуюцца новыя справы». Як адбываюць 15‑гадовыя тэрміны былыя маёры КДБ Акінчыцы
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»149149
У «Мінск-Свеце» з'явяцца вялікі парк і тысячы новых парковачных месцаў22
У «Мінск-Свеце» з'явяцца вялікі парк і тысячы новых парковачных месцаў2
Расія і ЗША абмяркоўваюць шматмільярдную нафтавую здзелку99
Расія і ЗША абмяркоўваюць шматмільярдную нафтавую здзелку9
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча11
Выйшаў новы том «Даследаванняў і матэрыялаў» Міколы Хаўстовіча
У Беларусі зменяць клінічны пратакол, датычны атлусцення
Архіў VEHA пачынае працу над другім томам кнігі «Руіны Беларусі» і запрашае дзяліцца здымкамі з сямейных архіваў
На наступным тыдні будзе яшчэ цёпла, але ветрана і дажджліва
Жыхарка Мазыра здавала ў арэнду чужыя кватэры ў Мінску
«Быў у прыгнечаным стане». Што вядома пра 41‑гадовага мужчыну, якога шукаюць ужо пяты дзень4
Балгарыя выменяла ў Грэцыі парэшткі свайго сярэднявечнага цара3
На расійскіх сілавікоў у канвойным вагоне на Каўказе напаў наркагандляр, якому пагражала пажыццёвае зняволенне. Яго забілі
Пад Капылём ад міліцыі ўцякаў матацыкліст-бяспраўнік з 4 праміле алкаголю
У «Мінск-Свеце» з'явяцца вялікі парк і тысячы новых парковачных месцаў2
Заходнія пасольствы на ўсялякі выпадак рыхтуюць план пераезду з Кіева1
Расія і ЗША абмяркоўваюць шматмільярдную нафтавую здзелку9
У цэнтр Мінска вернуцца два папулярныя аўтобусныя маршруты
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча11
З чаго складаецца кошт кубачка капучына ў мінскай кавярні?5
Сіноптык расказаў, які кастрычнік чакаецца сёлета ў Беларусі
Каментары