Каліноўцы выпусцілі фільм з сапраўднымі кадрамі падрыхтоўкі да штурму
Полк Каліноўскага зняў шматсерыйны фільм-дзённік «Тыдзень на фронце». Першую частку праекта пра жыццё і баі без ратацый ужо можна ўбачыць у сеціве.
Першая серыя дзённіка мае назву «Вораг у кіламетры: жыццё і баявая праца без ратацый». Каліноўцы абяцаюць паказаць у ёй рэальныя кадры з баявой пазіцыі на Запарожскім кірунку, дзе беларускія ваяры трымаюць вузкі, але важны ўчастак. На тым адцінку да расійскіх войскаў застаецца кіламетр-паўтара, і ў каліноўцаў ідзе падрыхтоўка да штурму.
У відэа ёсць кадры з падвала, дзе ваяры зладзілі сабе часовы дом — агляд таго сутарэння яны іранічна называюць рум-турам. Паказалі месцы для сну і так званы «цэнтр жыцця» — тэрмінал Starlink.
Ваяры не хаваюць ад камеры эмоцыі. Добраахвотнік Кос, які вядзе аповед у фільме, тлумачыць гэта:
«Графік дзяжурстваў на пазіцыі змяняецца ў залежнасці ад актыўнасці на кірунку. Гэтай ноччу нас некалькі разоў падымалі для страляніны з гранатамёта.
Сон пастаянна перапыняецца, нармальна выспацца складана. Таму настрой у ваяроў плавае».
У фільме паказваюць не толькі моманты баёў, але і хвіліны зацішша, калі ў ваяроў ёсць магчымасць спакойна пагаварыць. Абмяркоўваюць яны рознае — ад веганства, якога прытрымліваецца адзін з ваяроў, да жартоўнай сувязі гурта «Навібэнд» і партыі АГП.
У другой серыі прадстаўнікі палка абяцаюць расказаць пра штурм, які распачаўся ў наступныя дні пасля падзей першай серыі.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу8
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары