У Беларусі перасталі прадаваць зімовае дызельнае паліва «Арктыка». І зрабілі гэта свядома
Зімовае дызельнае паліва «Арктыка», якое раней можна было знайсці на беларускіх аўтазапраўках, больш на іх не прадаецца. Замест яго ў асартыменце з’явілася новае паліва пад назвай «ДТ-32», піша Av.by.
Галоўная прычына перамены — тэмпература фільтрацыі. «Арктыка» разлічаная на вельмі нізкія тэмпературы — да -38°С ці -44°С у залежнасці ад класа. Але ў беларускіх умовах такая марозаўстойлівасць не патрэбная, бо рэзка зімовыя тэмпературы тут рэдкія.
«ДТ-32» мае тэмпературу фільтрацыі -32°С, што больш адпавядае рэальнай беларускай зіме, і гэта паліва стабільна працуе ў аўтамабілях з дызельным рухавіком.
Па словах Сергея Каморнікава, намесніка генеральнага дырэктара «Беларуснафты», менавіта таму для празрыстасці і дакладнасці выкарыстоўваецца менавіта гэта абазначэнне — каб спажывец ведаў сапраўдныя характарыстыкі паліва і не быў уведзены ў зман.
На гэты момант «ДТ-32» яшчэ даступна не на ўсіх АЗС. Калі раней яго можна было знайсці на 220 станцыях, то цяпер ужо на 253. Плануецца пашыраць прысутнасць гэтага паліва, асабліва ў раённых цэнтрах і на галоўных дарогах. Аднак поўнага пераходу на «зімовае» паліва пакуль не плануюць, бо попыт на стандартнае дызельнае паліва яшчэ застаецца, а ў цёплыя месяцы «ДТ-32» амаль не патрэбна.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
На отоплении экономят, но продают как за 85° в магистрали, на освещении экономят, и тут решили сэкономить. Продавая, прекрасную саляру на бумаге, с температурой фильтрации -32°, но на бумаге, а реально, проблемы в -22°.
Дела Остапа Бендера, в лице семейства лукашенок, в Беларуси, приобрели космический размах, вселенский размах....