У аўтамабілі, якім кіраваў мужчына, у нядзелю ўвечары ў Троках пад Вільняй былі знойдзеныя 6 тысяч пачкаў цыгарэт з беларускімі акцызамі, паведамляе LRT.
Фота: VSAT
Каля 20‑й гадзіны тытунёвыя вырабы былі выяўленыя ў аўтамабілі Volkswagen Passat, якім кіраваў мужчына 1978 года нараджэння.
У транспартным сродку было знойдзена і канфіскавана 4,5 тысячы пачкаў цыгарэт «Minsk Capital QS» і 1,5 тысячы пачкаў цыгарэт «NZ Gold».
Мужчыну змясцілі ў ізалятар часовага ўтрымання, распачата дасудовае расследаванне паводле факту незаконнага абыходжання з падакцызнымі таварамі, кошт якіх перавышае 20 тысяч еўра, але не дасягае 45 тысяч еўра.
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце34
Каментары