У Навінках працягваецца будаўніцтва новага корпуса дарослай інфекцыйнай бальніцы. Канцэрн «Мінскбуд» паказаў, як цяпер выглядае будынак.
На будаўніцтве ўжо задзейнічана больш за трыста чалавек, іх колькасць паступова павялічваецца.
На аб’екце працуюць мантажнікі будаўнічага ўпраўлення — 199, аздабляльнікі БУ-211, мантажнікі сантэхнічных сістэм, электрыкі і ліфцёры.
У палатных карпусах 2А і 2В, дзе ўжо ёсць цяпло, узводзяцца гіпсакардонныя перагародкі, пракладваецца чарнавая электрыка, слабаточныя сістэмы, выконваюцца сцяжкі падлог і сантэхнічныя работы, падводзяцца сеткі медыцынскіх газаў. Чарнавыя аздабленчыя работы разгортваюцца таксама ў карпусах 2Б і 2Г.
Адначасова мантажуецца 12 ліфтаў — па тры ў кожным палатным корпусе.
З канструкцый ЛСТК (лёгкія стальныя тонкасценныя канструкцыі) і маналітных уставак ужо выразна вымалёўваецца галоўны корпус. Працуюць два вежавыя краны і спецыяльная тэхніка.
Сучасны комплекс будзе складацца з галоўнага і чатырох палатных карпусоў, а таксама невялікага будынка для лячэння асабліва небяспечных інфекцый. Аб’ект дапоўняць гаспадарчыя пабудовы і паркоўка. Пры ўзвядзенні ўстановы выкарыстоўваюцца лёгкія стальныя тонкасценныя канструкцыі.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
Планавалі сучасны корпус на 300–400 ложкаў, а з-за недахопу сродкаў і змены прыярытэтаў будаўніцтва расцягнулі і спрасцілі. Гэта дзяржаўны даўгабуд, які перыядычна з’яўляецца ў прапагандыскiх навінах як «будаўніцтва працягваецца»