Урад Кіра Стармера трапіў у сур'ёзны палітычны крызіс. І ўсё зноў з-за Эпштэйна
Премьер-міністр Вялікабрытаніі Кір Стармер апынуўся ў самым сур’ёзным крызісе за паўтара года сваёй працы і можа страціць пасаду. Пра яго магчымую адстаўку кажуць нават міністры і блізкія саюзнікі. Прычына крызіса — доўгі скандал вакол прызначэння амбасадарам у ЗША лорда Пітэра Мандэльсона, які меў сувязі з Джэфры Эпштэйнам, піша Руская служба Бі-бі-сі.
Нядаўна ў адстаўку падалі галоўны памочнік Стармера Морган Максуіні і кіраўнік камунікацыйнага аддзела Цім Алан. Гэта выклікала размовы пра тое, ці застанецца Стармер на пасадзе. Пакуль ён заявіў, што не збіраецца сыходзіць, але ціск унутры партыі расце.
Пітэр Мандэльсон, вядомы як «Князь цемры» за свае закулісныя інтрыгі, шмат гадоў меў шырокія сувязі ў палітыцы. Ён быў амбасадарам у ЗША менш за год, але ўжо падчас працы высветлілася, што ён меў цесныя адносіны з Джэфры Эпштэйнам: пастаянныя кантакты, фінансавыя пералічэнні і нават сумнеўныя асабістыя адносіны. Гэта прывяло да адстаўкі Мандэльсона з партыі і Палаты лордаў, а таксама да крымінальнага расследавання.
Стармер прызнаў, што, калі б ведаў усё раней, то Мандэльсона не прызначаў бы. Але многія сцвярджаюць, што прызначэнне адбылося праз асабістыя сувязі Мандэльсона з уплывовымі саветнікамі Стармера, асабліва з Максуіні. Сам Стармер быў далёкі ад Мандэльсона і не меў з ім цесных адносін.
Скандал моцна падарваў рэпутацыю лейбарыстаў, паказаўшы, што старыя палітычныя звычкі — кумаўство і закрытая культура — у брытанскай палітьцы існуюць надалей. Таму нават калі Стармер застанецца на пасадзе, гэты інцыдэнт моцна адаб'ецца на яго кадравай палітыцы.
Калі Кір Стармер усё ж пойдзе ў адстаўку, то на яго месца могуць прыйсці адразу некалькі палітыкаў, хоць шмат будзе залежаць ад закулісных гульняў у парламенце.
Галоўнай кандыдаткай паводле букмекераў лічыцца Анджэла Рэйнер, у яе 30% шанцаў. Раней яна была віцэ-прэм’еркай і міністаркай па жыллёвай палітыцы, але яна пайшла з пасады з-за скандалу з падаткамі.
Таксама сярод кандытатаў Эд Мілібэнд — дзейны міністр па энергетычнай бяспецы і былы лідар лейбарыстаў (шанцы каля 14%). Ён вядомы тым, што раней не даў Мандэльсону пасаду ў «ценявым кабінеце» і супрацьстаяў яго ўплыву.
Яшчэ адзін магчымы прэтэндэнт Уэс Стрытынг — міністр аховы здароўя і сацыяльнага забеспячэння, які лічыцца моцным «тэхнакратычным» лідарам.
Але ёсць нават вельмі малаверагодны варыянт (7%), што на пост прэм’ера можа пры пэўным збегу абставін трапіць прадстаўнік правага папулісцкага крыла Найджэл Фарадж (партыя Reform UK).
У Вялікабрытаніі і Францыі ультраправыя сілы ў чаканні выбараў стараюцца адмежавацца ад Пуціна
СВР: ЗША, Брытанія, Нямеччына і Польшча рыхтуюць новую спробу змяніць канстытуцыйны лад у Беларусі
Апублікаваны тры мільёны файлаў Эпштэйна: што новага і ці будуць яшчэ?
Кір Стармер адмовіцца ўвайсці ў склад трампаўскай Рады міру
Трамп заявіў, што ў Афганістане саюзнікі па НАТА адседжваліся ў тыле. Ветэраны ў Еўропе страшэнна абураныя
У Еўропе абмяркоўваюць стварэнне як альтэрнатывы НАТА новага абарончага саюза з удзелам Украіны
Цяпер чытаюць
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары
Samy lepšy vychad z situacyi - heta pašychtavać usiu śvitu ŭ karaleŭskim pałacy i dać takuju kamandu: "usie, chto zamiešany ŭ błudnictvie, dva kroki napierad, pam-pam!".
I ŭsio, i prablema vyrašana, i niama čaho ciahnuć kata za ja...chvost. Nu, praŭda, kolki možna, zadaŭbali musolić. Niama čym plebsu vušy zahruzić ?
Подозревают что речь про 14-ю дочь