Чыноўнікі ад турызму мараць пра стварэнне «Залатога кальца Саюзнай дзяржавы»
У межах так званай Саюзнай дзяржавы могуць стварыць маштабны турыстычны маршрут, які прэзентуецца як аналаг расійскага «Залатога кальца». Старшыня праўлення Рэспубліканскага саюза турыстычнай індустрыі Беларусі Філіп Гулы патлумачыў расійскаму выданню Sputnik, чаму «саюзны» турыстычна-інфармацыйны цэнтр вырашылі адкрыць не ў Маскве, а ў Смаленску.
Паводле слоў Філіпа Гулага, Смаленск мае ключавое значэнне тым, што праз яго праходзіць большасць транзітных маршрутаў паміж Беларуссю і Расіяй. Акрамя таго, у Смаленскай вобласці бярэ пачатак Дняпро, а сам горад размешчаны прыкладна на аднолькавай адлегласці ад Мінска, Масквы, Гомеля, Магілёва і Віцебска.
Гулы лічыць Смаленск цэнтральным пунктам і прапануе ў будучыні адкрыць філіялы такога цэнтра ў Магілёве ці Бабруйску, каб захаваць баланс. Асноўная задача турцэнтра — прасоўванне агульнага турыстычнага прадукту «Саюзнай дзяржавы», у тым ліку на рынках трэціх краін і ў аддаленых рэгіёнах Расіі.
Таксама абмяркоўваецца ідэя стварэння вялікага турыстычнага «кальца», якое ахопіць 11 рэгіёнаў Расіі і Беларусі. У маршрут могуць увайсці Ніжні Ноўгарад, Цвер, Таржок, Пскоў, Вялікі Ноўгарад, Полацк, Віцебск, Мінск, Магілёў, Смаленск і Уладзімір. Падарожжа прапануецца падзяліць на асобныя ўчасткі, каб турыстам было зручна далучацца і завяршаць маршрут у буйных гарадах.
У цэнтры Магілёва зносяць гістарычны хлебазавод: замест арт-прасторы, якую прасілі гараджане, там можа з'явіцца 18‑павярховы офісны гмах
«Акунанне ў айчынныя карані». Беларусам замест тураў па Еўрасаюзе прапануюць паездкі ў Смаленск, Пскоў і Калугу
«Ад Масквы да Піцера праз Саюзную дзяржаву». Беларусь уключаць у расійскі турыстычны маршрут
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне15
Каментары