ЗША маюць намер абмеркаваць з Венгрыяй і Славакіяй далейшую адмову ад расійскіх энергарэсурсаў, заявіў дзяржсакратар Марка Рубіа журналістам па дарозе ў Мюнхен, дзе сёння пачнецца міжнародная канферэнцыя па бяспецы.
«Мы правядзём з імі перамовы. Мы будзем размаўляць з імі пра тое, што павінна адбыцца. Я не збіраюся ўдавацца ў падрабязнасці таго, што мы збіраемся сказаць на гэтых сустрэчах», — сказаў Рубіа.
Рубіа таксама назваў Венгрыю і Славакію краінамі, якія актыўна супрацоўнічаюць са Злучанымі Штатамі і знаходзяцца з імі ў цесным партнёрстве.
На пытанне журналістаў аб магчымых планах правядзення сустрэчы на палях канферэнцыі з прэзідэнтам Украіны Уладзімірам Зяленскім Рубіа адказаў сцвярджальна. «Думаю, так. Я думаю, ён павінен быў быць там. Я не на 100% упэўнены, але думаю, што атрымаецца», — адказаў дзяржсакратар.
Таксама Рубіа паведаміў журналістам, што не плануе на гэтым тыдні наведваць Расію.
Мюнхенская канферэнцыя па бяспецы стартуе сёння. У ёй возьме ўдзел Святлана Ціханоўская.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары