Пакуль Трамп марыць пра Грэнландыю, Расія і Кітай заглядаюцца на Шпіцберген
Паводле інфармацыі The Wall Street Journal, пакуль Дональд Трамп засяроджваецца на Грэнландыі, Расія і Кітай актыўна пашыраюць сваю прысутнасць у Арктыцы, у тым ліку на архіпелагу Шпіцберген, які ўваходзіць у склад Нарвегіі.
Згодна з дамовай, падпісанай у 1920 годзе, многія краіны, у тым ліку Расія, Кітай і ЗША, маюць доступ да Шпіцбергена пры ўмове, што яго тэрыторыя не выкарыстоўваецца ў вайсковых мэтах. Аднак, як адзначае выданне, гэты рэгіён становіцца ўсё больш стратэгічна важным: ён знаходзіцца на найкарацейшым маршруце для магчымых расійскіх ракет у бок ЗША і багаты на прыродныя рэсурсы.
ЗША і Нарвегія выказваюць занепакоенасць дзейнасцю кітайскіх структур на архіпелагу, якія разглядаюцца як магчымыя цэнтры даследаванняў вайсковага характару. Таксама паведамляецца пра ўзмацненне кантролю: універсітэт на Шпіцбергене абмежаваў доступ для кітайскіх студэнтаў пасля ацэнкі рызыкаў з боку спецслужбаў.
У Расіі гучаць заявы, якія ставяць пад сумнеў суверэнітэт Нарвегіі над архіпелагам, а асобныя палітыкі прапануюць абмеркаваць падзел арктычных тэрыторый. Расійскія вайсковыя прадстаўнікі сцвярджаюць, што рэгіён мае вялікае стратэгічнае значэнне і патрабуе ўзмацнення вайсковай прысутнасці.
У адказ Нарвегія павялічыла патруляванне, узмацніла правілы бяспекі і разглядае магчымасць разведкі марскога дна на прадмет радовішчаў каштоўных рэсурсаў. Эксперты адзначаюць, што аддаленасць тэрыторыі Шпіцбергена робіць яго ўразлівым, бо інфраструктура, транспарт і сувязь могуць быць парушаныя.
Аналітыкі лічаць, што ў выпадку шырокага канфлікту паміж НАТА і Расіяй архіпелаг можа стаць адной з першых мішэняў у Арктыцы, хоць такі сцэнар пакуль не лічыцца самым верагодным.
НАТА рыхтуецца да вайны ў Арктыцы
Кіраўнік нямецкай разведкі: Расія можа напасці на краіны Балтыі або атакаваць архіпелаг Шпіцберген
«На Шпіцбергене забаронена хаваць людзей». Беларуска расказала, як правяла 50 дзён у самым паўночным паселішчы свету
Белыя мядзведзі на Шпіцбергене сталі таўсцейшымі і здаравейшымі, нягледзячы на знікненне лёду
Рудкоўскі тлумачыць, чаму Трамп мае рацыю наконт Грэнландыі
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары