Сталічныя ўлады папярэдзілі, у якіх выпадках могуць ануляваць дазвол на гандаль кветкамі. Пра гэта паведаміла кіраўніца ўпраўлення гандлю і паслуг Мінгарвыканкама на аператыўнай нарадзе, паведамляе агенцтва «Мінск-Навіны».
Асноўная прычына — невыкананне патрабаванняў па ўпарадкаванні гандлёвага месца. Падчас продажу кветак утвараецца смецце — абрэзкі сцёблаў, лісце, пялёсткі. Прадаўцы абавязаныя штодзённа прыбіраць сваё працоўнае месца.
Калі гэта патрабаванне будзе праігнаравана, дазвол, выдадзены раённай адміністрацыяй, могуць скасаваць. Улады падкрэсліваюць, што чысціня ў горадзе залежыць ад саміх гандляроў і жыхароў.
Такія меры ўведзеныя з-за таго, што ў папярэднія гады не ўсе прадаўцы належным чынам падтрымлівалі парадак пасля заканчэння гандлю.
Асобна нагадалі пра барацьбу з нелегальным продажам кветак. Плануецца праводзіць сумесныя рэйды з удзелам міліцыі, прадстаўнікоў раённых адміністрацый і падатковых органаў. За гандаль без дазволу прадугледжаны штраф да 50 базавых велічынь.
Таксама жыхароў папярэдзілі пра актывізацыю перад святамі махляроў. Набываць кветкі рэкамендуюць у афіцыйных крамах або на правераных інтэрнэт-пляцоўках, дзе павінна быць пазначаная інфармацыя пра прадаўца і выдавацца чэк. Інакш ёсць рызыка застацца і без грошай, і без тавару.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары