Улада19

Кандыдатам у прэзідэнты ад АГП будзе Яраслаў Раманчук

Сам Раманчук, і лідэр партыі Анатоль Лябедзька зазначаюць, што ўсё вырашыцца 31 мая.

Кандыдатам у прэзідэнты ад Аб'яднанай грамадзянскай партыі будзе намеснік старшыні партыі, эканаміст Яраслаў Раманчук. Пра гэта паведаміў Еўрарадыё кіраўнік Мінскай абласной філіі АГП Уладзімір Малярчук.

Тым часам кіраўніцтва Аб’яднанай грамадзянскай партыі, пакуль яшчэ спрабуе захаваць інтрыгу наконт таго, хто стане партыйным кандыдатам на будучыя прэзідэнцкія выбары. Паводле апошняй інфармацыі, размешчанай на сайце АГП, канчаткова выбар паміж старшынём партыі Анатолем Лябедзькам і яго намеснікам, эканамістам Яраславам Раманчуком будзе зроблены 31 мая.

Але Уладзімір Малярчук кажа, што імя будучага партыйнага кандыдата — сакрэт Палішынэля:

«Інтрыгі няма ўжо — ужо дакладна вызначыліся, што будзе Раманчук».

Прычым агульнапартыйнага абмеркавання гэтага пытання не было. «Гэта толькі вярхушка партыйная вызначылася — шараговыя партыйцы яшчэ нічога не вызначалі», дадае Малярчук.

Радыё Свабода звярнулася па каментар да Яраслава Раманчука.

«31 мая ў 11:30 будзе прэзентацыя кандыдата ў прэзідэнты ад АГП і там усё звесткі ўжо будуць адкрытыя. Будзе прэзентацыя таксама платформы кандыдата.

Гэта праграма «Мільён новых месцаў працы«, якая ідзе пад дэвізам «Ствараем новае — захоўваем лепшае«. Таму не хачу проста раскрываць усе карты, засталося да гэтай падзеі яшчэ 5 дзён».

Лідэр АГП Анатоль Лябедзька дадае:

«Яраслаў мае абсалютную рацыю, калі кажа, што рашэнне будзе прынятае палітрадай 31‑га. Натуральна, што, відаць, у мяне з Яраславам ёсць калі не кантрольны пакет па гэтым рашэнні, то блізкі да гэтага. Але мы не можам падмяняць сваіх калег — палітычную раду.

Таму ўсё што да 31‑га — гэта ёсць толькі версіі, асабістыя думкі каго заўгодна. Ці гэта сябра партыі, ці эксперт, ці проста чалавек з вуліцы», цытуе слова Анатоля Лябедзькі Радыё Свабода.

***

Пра свой удзел у прэзідэнцкіх выбарах афіцыйна заявілі лідэр ЛДП Сяргей Гайдукевіч, лідэр Руху "За Свабоду" Аляксандр Мілінкевіч, сустаршыня аргкамітэта па стварэнні БХД Віталь Рымашэўскі, экс-намеснік старшыні Партыі БНФ Алесь Міхалевіч, каардынатар Хартыі'97 Андрэй Саннікаў, сацыял-дэмакрат Мікалай Статкевіч.

Не выключаюць магчымага ўдзелу ў выбарах Аляксандр Казулін і Уладзімір Някляеў. Мяркуецца, што свайго кандыдата вылучыць Партыя БНФ - намесніка старшыні партыі Рыгора Костусева.

Аляксандр Лукашэнка пакуль афіцыйна не абвесціў пра ўдзел у выбарах.

Каментары19

Намеснік Ціханоўскай Валер Кавалеўскі пакінуў пасаду

Намеснік Ціханоўскай Валер Кавалеўскі пакінуў пасаду

Усе навіны →
Усе навіны

Маргарыта Ляўчук знайшла, як вырашыць праблемы з прысудам у Беларусі6

МКС выдаў ордары на арышт Сяргея Шайгу і Валерыя Герасімава11

Турма будучыні. Навуковец прапанаваў хуткі спосаб перавыхавання злачынцаў — даць адчуць пакуты іх ахвяр4

Школьніца з Мінска мае 400 балаў для паступлення2

«Вельмі складана зразумець, што ёсць дзве праўды». Літоўскі гісторык пра «Пагоню» і спадчыну ВКЛ 45

Клетка ў жаночай калоніі. Што гэта такое і якія нормы парушае?1

Дарадцы Трампа падалі план спынення вайны Расіі супраць Украіны26

Забаўны факт: на выхад у плэй-оф Еўра-2024 з трэціх месцаў прэтэндуюць выключна каманды былой Аўстра-Венгрыі2

Былы польскі суддзя Шміт стаў карэспандэнтам БелТА8

больш чытаных навін
больш лайканых навін

Намеснік Ціханоўскай Валер Кавалеўскі пакінуў пасаду

Намеснік Ціханоўскай Валер Кавалеўскі пакінуў пасаду

Галоўнае
Усе навіны →