На вучэнні паліцыі ў акупаванай Голай Прыстані прыляцеў дрон — пяцёра загінулых
Калі праз паўгадзіны прыехаў начальнік, паўторным ударам параніла і яго, паведамляе тэлеграм-канал «Досье шпиона».
28 лютага 2026 года па палігоне МУС РФ каля населенага пункта Лазурнае ў акупаванай Херсонскай вобласці быў нанесены ўдар украінскага беспілотніка.
У выніку загінулі пяць супрацоўнікаў паліцыі ў званнях ад маёра да лейтэнанта, яшчэ шэсць атрымалі раненні. Усе яны былі не мясцовыя, раней служылі ў Маскве, Яраслаўлі, Кіраве, Ханты-Мансійску, Татарстане, Адыгеі, Амурскай і Свярдлоўскай абласцях.
На той момант на палігоне праходзілі вучэбныя стрэльбы для супрацоўнікаў аддзела ўнутраных спраў «Голая Прыстань».
Падчас першага ўдару загінулі пяць афіцэраў. Яшчэ некалькі чалавек былі параненыя, у тым ліку кіраўніцтва і супрацоўнікі таго ж аддзела.
Праз паўгадзіны пасля здарэння на месца прыбыў сам начальнік аддзела Аляксандр Шчаглоў. У гэты момант быў нанесены паўторны ўдар беспілотніка. У выніку начальнік атрымаў цяжкія асколачныя раненні жывата і ног.
Таксама паведамляецца, што пацярпеў 11‑гадовы сын аднаго з намеснікаў начальніка — ён атрымаў цяжкае раненне сківіцы.
Сярод загінулых падчас гэтай атакі згадваецца Вераніка Вельмамедава — лейтэнант, інспектар аддзела МУС «Голая прыстань», якая прыехала на акупаваныя тэрыторыі з Ханты-Мансійска. Пры гэтым расійская прапаганда прадстаўляла яе як валанцёрку і настаўніцу, якая дапамагала ў выхаванні ў расійскім духу ўкраінскіх дзяцей.
Вядома, што яна прыехала ў Херсонскую вобласць у 2023 годзе ў складзе «педагагічнага дэсанту», працавала настаўніцай у сяле Жалезны Порт, а пасля ўладкавалася на працу ў паліцыю. На пахавальных фота яна выяўленая ўжо ў паліцэйскай форме.
«Гэты ўдар цяжка пераацаніць». Чым унікальная атака «Фламінга» на завод у Воткінску
Украінскія дроны атакавалі палігон, з якога робяць запускі ракет «Арэшнік»
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Украіна прапаноўвала ЗША тэхналогіі процідзеяння іранскім беспілотнікам. Тыя не зацікавіліся, цяпер лічаць гэта «найбольшым промахам»
Цяпер чытаюць
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары