Коўл узняў пытанне пра новыя арышты. «То-бок мы вызваляем 10 чалавек, а яны арыштоўваюць яшчэ 10»
Па яго словах, яны ўпершыню закранулі гэта пытанне падчас перамоў з Лукашэнкам.
Спецпасланнік прэзідэнта ЗША па Беларусі Джон Коул на сустрэчы з Лукашэнкам 19 сакавіка ўздымаў пытанне аб спыненні новых арыштаў.
Як расказаў Коўл у інтэрв'ю «DW Беларусь», гэта быў «першы раз, калі я ўзняў пытанне пра новыя арышты па меры вызвалення людзей»: «То-бок мы вызваляем 10 чалавек — а яны арыштуюць яшчэ 10?».
Ён таксама адзначыў, што было няпроста дабіцца, каб частцы вызваленых палітвязняў дазволілі застацца ў Беларусі.
«Гэта было даволі напружанае пытанне ў перамовах у апошнія месяцы — захаваць магчымасць для людзей заставацца ў сваёй роднай краіне», — расказаў Коўл.
Паводле яго слоў, людзей папрасілі «вярнуцца дадому і паводзіць сябе спакойна, каб мы маглі дабіцца вызвалення астатніх».
Каментары