Пасля падаражання праезду маршрутка ў аэрапорт Мінск каштуе ў два разы танней, чым аўтобус. Як такое атрымалася?
Сёння ў Мінску зноў падаражаў праезд у грамадскім транспарце, і выданне Blizko.by піша, да якога казусу прывяла супярэчнасць паміж рознымі ўведзенымі напярэдадні чыноўнікамі правіламі.
У касах ужо вывесілі новыя цэннікі, а на сайце «Мінсктранса» абнавіўся файл з тарыфамі.
Акрамя іншага, падраслі тарыфы для прыгарадных аўтобусаў:
- у звычайных рэгулярных зносінах у памеры 0,14 беларускага рубля;
- у хуткасных рэгулярных зносінах у памеры 0,16 беларускага рубля;
- у экспрэсных рэгулярных зносінах у памеры 0,17 беларускага рубля.
Таксама ўстанавілі гранічныя максімальныя тарыфы на маршруткі (афіцыйна гэта называецца «гарадскія перавозкі пасажыраў і ручной паклажы аўтобусамі катэгорыі М2 у экспрэсных рэгулярных зносінах»):
- у памеры 3,30 беларускага рубля за адну паездку з падаткам на даданую вартасць;
- у памеры 5,00 беларускіх рублёў за адну паездку з падаткам на даданую вартасць пры ажыццяўленні перавозак пасажыраў у гарады-спадарожнікі г. Мінска.
І вось праз гэтыя гранічныя тарыфы на маршрутку здарыўся дзіўны казус.
З Мінска ў Нацыянальны аэрапорт Мінск ходзяць аўтобус №300 (тут працуе вялікі аўтобус МАЗ-203 або МАЗ-251), а таксама маршрутка №1400. Дагэтуль праезд у іх каштаваў прыкладна аднолькава (маршрутка крыху даражэй).
Праезд у аўтобусе №300 «Мінсктранса» застаўся прывязаным да кіламетражу для прыгарадных маршрутаў: за 45 кіламетраў дарогі трэба аддаць 7,6 рубля (па 17 капеек за 1 км).
А вось цана квітка ў маршрутцы цяпер абмежаваная гранічным тарыфам для горада. Таму праезд у маршрутцы №1400 перавозчыка «Бэці Трэвел» каштуе 3,3 рубля.
Гэта значыць, даехаць да аэрапорта на маршрутцы можна ў 2,3 раза танней, чым на аўтобусе.
Цяпер цікава будзе даведацца, наколькі новая цана праезду ў маршрутцы ўкладаецца ў сабекошт праезду і ці шмат пасажыраў выберуць аўтобус, дзе трэба заплаціць удвая больш.
У Мінску ўвялі максімальны кошт праезду ў маршрутках
Праезд у мінскай маршрутцы, што меўся падаражэць да пяці рублёў, будзе каштаваць меней
У мінскім метро чалавек захацеў набыць адразу 3 тысячы жэтонаў
У чатырох абласцях Беларусі выраслі цэны на праезд грамадскім транспартам
Пасля Мінска кошт праезду ў грамадскім транспарце падаражэе і ў рэгіёнах
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары