«Табе што, рускіх грошай шкада?» Данейка згадаў забаўны выпадак з Бабарыкам у самалёце
Эканаміст Павел Данейка расказаў, як адгаворваў Бабарыку ад палётаў бізнэс-класам.
У новым выпуску праграмы «Мне толькі спытаць» на «Белсаце» вядомы эканаміст Павел Данейка сярод іншага расказаў пра сумесныя палёты з тагачасным старшынёй праўлення «Белгазпрамбанка» Віктарам Бабарыкам.
Данейка на занятках са студэнтамі праграмы Executive MBA, сярод якіх было шмат топ-менеджараў і ўладальнікаў бізнэсу, прасоўваў ідэю, што лятаць бізнэс-класам на кароткіх рэйсах (на паўтары-дзве гадзіны) — гэта «проста панты».
Аднак у выніку сам трапіў у сітуацыю, якая супярэчыла ягоным словам.
«Бабарыка мяне ўцягнуў у раду дырэктараў «Белгазпрамбанка». І мы паляцелі на пасяджэнне рады дырэктараў у Санкт-Пецярбург. І там квіткі бізнэс-класа. Мы размясціліся, а людзі заходзяць, і там два ці тры маіх студэнты з MBA, якім я расказваў, што так лятаць нельга. Яны, вядома, ветліва са мной павіталіся, спыталі: «Як вам у бізнэс-класе?» Карацей, засранцы адцягнуліся на мне на поўную катушку», — з гумарам згадвае эканаміст.
Падчас таго палёту Данейка паспрабаваў пераканаць Бабарыку: «Давай наступным разам будзем лятаць іншым спосабам, ну квіткі ж дарагія, нядобра».
«Ён паглядзеў на мяне і кажа: «Што табе, рускіх грошай шкада?» Ну, тут я і змоўк. Мы працягнулі лятаць бізнэс-класам, бо я зразумеў, што мы як бы падрываем рускую пазіцыю», — расказаў Данейка.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары