Беларусы 25 гадоў лічылі гэты брэнд прысмакаў расійскім — і прынцыпова яго ігнаравалі
Многія беларусы ў шоку, што прысмакі брэнда «Шакаладава» вырабляюць у Беларусі: «Рэальна? Па назве думала, што Расія — і нават у рукі не брала».
У Threads кампаніі з’явіўся допіс: «Нарадзіўся. Вырабляеш у Беларусі 25 гадоў якасныя і смачныя прысмакі. Усе думаюць усё яшчэ, што вы расійская кампанія».
Шмат для каго гэта стала сапраўды адкрыццём — рускамоўную назву «Шоколадово» інтуітыўна асацыявалі з Расіяй.
Хоць, аказваецца, прадукцыю пад брэндам «Шакаладава» выпускае ААТ «Мантбрук» на фабрыцы ў Калядзічах пад Мінскам.
«У столькі гадоў даведалася, што вы з Беларусі», «У вас яшчэ падабенства з «Яшкіна», жоўты колер, надпіс…», «Я заўсёды лічыла вас танным расійскім вытворцам недзе з-пад Бранска. Змяніце назву!» — пішуць людзі.
Людзі прызнаваліся, што прынцыпова ігнаравалі прадукцыю «Шакаладава», бо былі ўпэўнены ў расійскім паходжанні прысмакаў: «Кожны раз праходзіла міма, бо думала, што вы расійская фабрыка, а мне расійскае звычайна нясмачнае. Проста заканчваецца на —ова, а ў мяне асацыяцыя, што гэта расійскае паселішча», «Таксама не купляў праз назву. Думаў, расійская хімія».
Былі і менш прынцыповыя каментатары: «А я і думаю: неяк на дзіва смачна для расійскага вытворцы».
Нехта пачаў прапаноўваць альтэрнатыўныя варыянты назвы — Шакалодзішчы, Шакаладавічы, Шакаладзінск, Шакаладзечна, і нават Шакаладаўшчына.
Былі прапановы дадаць нешта беларускае на абгортку — буслоў, зуброў, валошкі. І, канешне, даваць на абгортцы інфармацыю па-беларуску: «Пішыце па-беларуску і не дурыце галаву людзям».
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары
2) Дадаём "Ѣ" і лубочную эстэтыку для традыцыйнасці
3) ....
4) Мы - беларускі брэнд!