Ад былога ўласніка кватэры застаўся доўг — цяпер яго трэба аплаціць пакупніку?
Адвакат раіць, як дзейнічаць у такой сітуацыі.
Хто павінен аплаціць доўг, які застаўся ад былога ўласніка кватэры?
«У былога ўласніка кватэры застаўся доўг перад старшынёй кааператыву ў памеры 340 рублёў (за два гады). Ці мае права старшыня кааператыва перакінуць гэты доўг на мяне?» — задала пытанне жанчына.
Галіна Камароўская, адвакат Мінскай гарадской калегіі адвакатаў, патлумачыла:
«Старшыня кааператыва не толькі мае права, але і абавязаны спагнаць доўг з вас. Таму што перад кааператывам абавязаны вы — як новы ўласнік».
Што рабіць у гэтай сітуацыі?
Заплаціць кааператыву. Калі вы будзеце аспрэчваць доўг, старшыня звернецца па выканаўчы надпіс натарыуса або ў суд. І тады акрамя 340 рублёў прыйдзецца аплаціць яшчэ і судовыя выдаткі (да тысячы рублёў).
Спагнаць грошы з прадаўца. Пасля таго як вы аплаціце доўг кааператыву, вы маеце права спагнаць гэтую суму з таго, хто прадаў вам кватэру і не папярэдзіў пра наяўнасць доўгу.
Каментары
Стары доўг можа пераводзіцца толькі пры дамове паміж даўжніком і новым уласнікам. Доўг не бывае "на кватэры" або "на" іншай маёмасці. ЖК арт.27, ГК арт.211, 362.
Выключэнне: доўг (няпоўныя ўзносы) на стадыі будаўніцтва ў кааператыве, але там і не ўласнікі яшчэ.
Фармуліроўка пытання ўжо заблытаная: "доўг перад старшынёй". Старшыня - проста выканаўца. Юрыстка нават не задумалася. Выглядае, што большасць разумных спецыялістаў з'ехала з краіны.