У Беластоку пройдзе прэзентацыя кнігі «Гісторыя Беларусі ад сярэдзіны XVIII стагоддзя і да нашага часу»
27 красавіка ў Беластоку пройдзе прэзентацыя кнігі «Гісторыя Беларусі ад сярэдзіны XVIII стагоддзя і да нашага часу» з удзелам аднаго з яе аўтараў Алега Латышонка.
Алег Латышонак — вядомы гісторык, прафесар Беластоцкага ўніверсітэта. Аўтар папулярных гістарычных і публіцыстычных прац «Жаўнеры БНР», «Нацыянальнасць — беларус», «Беласток — Полацак», а таксама манаграфій пра мінулую і сучасную геапалітыку Цэнтральна-Усходняй Еўропы.
Гэта сінтэтычны нарыс гісторыі Беларусі апошніх 275 гадоў. Кідаецца ў вочы адсутнасць звычайнай для афіцыйнай беларускай гістарыяграфіі прарасійскай перспектывы. У прыватнасці, уцягванне Беларусі ў расійскую культурную і геапалітычную арбіту пасля раздзелаў Рэчы Паспалітай разглядаецца з пункту гледжання аддалення ад еўрапейскіх культурных і палітычных ідэалаў.
У адрозненне ад калег у Рэспубліцы Беларусі, для беластоцкіх гісторыкаў няма забароненых або непажаданых тэмаў. Таму гаворка тут ідзе і пра паўнамаштабную русіфікацыю Беларусі ў складзе СССР, і пра спробы нацыянальнага жыцця ў Беларусі пад нямецкай акупацыяй, і пра пытанне палітычнай легітымасці Аляксандра Лукашэнкі. Нарацыя даведзена да выбараў 2020 года з іх асноўнымі дзейнымі асобамі, у тым ліку асвятляецца выбарчая кампанія Віктара Бабарыкі і іншых апазіцыйных палітыкаў.
З кнігі можна даведацца:
- пра Беларусь у сярэдзіне ХVІІІ стагоддзя (краіну і людзей, сацыяльную структуру, гаспадарку і больш пра эпоху ранняга Асветніцтва).
- пра культуру Беларусі ў ХІХ стагоддзі, а таксама пра яе палітычнае і інтэлектуальнае жыццё.
- пра тое, як узнік і развіваўся беларускі нацыянальны рух.
- пра сталінскі генацыд беларусаў.
- пра беларускае нацыянальнае жыццё ў Польшчы.
- пра дзейнасць БНФ і пра характар прэзідэнцтва Лукашэнкі.
- пра знешнюю палітыку Беларусі пасля атрымання незалежнасці.
Дата правядзення прэзентацыі: 27 красавіка 2026 года (панядзелак), 19:00—20:30 (CET).
Адрас: Беласток, «Суседскі дом», ul. Sienkiewicza 82, -1 паверх.
Прэзэнтацыя праводзіцца пры падтрымцы праграмы Еўрапейскага саюза EU4Belarus: Support to Advanced Learning and Training (SALT II).
Гісторык Алег Латышонак пра эмігрантаў новай хвалі: «Гавораць па-расійску ў сітуацыі, калі маскаль топча Беларусь! Проста жах!»
«Ніколі мы не былі братамі». Алег Латышонак расказаў пра тое, што аб’ядноўвае і падзяляе палякаў і беларусаў
Дзякуючы рэвалюцыі 2020 года ў Беларусі няма вайны — Латышонак
Сцвярджэнне, што «ВКЛ — гэта была Беларусь», фальш — гісторык Латышонак
«Лепей бы ўжо цар быў, чым бальшавіцкая рэвалюцыя! Расія развівалася б у еўрапейскім напрамку» — Латышонак
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ4
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
"Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім
Нягледзячы на няспынныя спробы прарасійскіх сіл выкрасліць перыяд ВКЛ з беларускага наратыву, менавіта яго лічыць пачаткам беларускай дзяржаўнасці найбольшая доля беларусаў. І чым маладзейшае пакаленне, тым гэта адбываецца найчасцей. Перыяд pасeйскай Імперыі пачаткам беларускай дзяржаўнасці не лічыць амаль ніхто."
-NN
i Беларускі Страдуб і Смаленск заўсёды былі межамі Эўропы (рэнесанс, барока, рефрамацыя і ф.д) і азіі.