Польшча аддала Расіі арыштаванага археолага Аляксандра Буцягіна
Яго арыштоўвалі па просьбе Украіны за раскопкі ў Крыме.
ФСБ пазней паведаміла, што археолага Аляксандра Буцягiна, а таксама жонку расійскага вайскоўца абмянялі на двух штатных афіцэраў малдаўскай спецслужбы.
Аляксандра Буцягіна затрымалі ў снежні 2025 года ў Польшчы на запыт украінскіх уладаў.
У аснове справы супраць Буцягіна — раскопкі ў Крыме пасля яго анексіі Расіяй. Кіеў прыраўноўвае іх да знішчэння помнікаў. Навуковец не адмаўляе, што вёў раскопкі без дазволу ўкраінскіх уладаў, але катэгарычна не згодны з абвінавачваннем у разбурэнні культурнай спадчыны.
У інтэрв’ю BBC ён сказаў, што працягваў працаваць у Крыме пасля яго анексіі менавіта для захавання археалагічнага аб’екта: «Спыненне работ адбілася б на стане помніка, які стаў бы без нагляду разбурацца з-за натуральных прычын, а таксама з-за дзеянняў вандалаў і марадзёраў».
Буцягін — першы расійскі археолаг, затрыманы з-за раскопак у Крыме, але далёка не адзіны, каго Украіна падазрае ў парушэнні закона.
Каментары
Тут іншае пытанне: куды аддалі выкапанае? У Расію? Ну, дык гэта крадзёж чужой уласнасці.
Асабіста супраць Буцягіна нічога не маю, але шкада, што не давялі справу да суда і не стварылі прэцыдэнт. Хто стаяў за тымі раскопкамі? Хто прымаў рашэнні? А Буцягін хай сабе капае свой Рым і не лезе ў дурныя справы.