Украінскія дроны падбілі два расійскія верталёты ў Варонежскай вобласці ВІДЭА
Як паведаміў камандуючы Сіламі беспілотных сістэм Украіны Роберт Броўдзі («Мадзьяр»), у Варонежскай вобласці Расіі ўкраінскія беспілотнікі 29 красавіка нанеслі ўдары па пляцоўцы, дзе знаходзіліся вайсковыя верталёты.
Паражэнне здзейснілі пілоты зводных экіпажаў 429‑й асобнай брыгады беспілотных сістэм «Ахілес» і 43‑й асобнай артылерыйскай брыгады разам з Цэнтрам спецыяльных аперацый СБУ «Альфа».
Сцвярджаецца, што ў выніку атакі былі пашкоджаныя два верталёты — Мі-28 і Мі-17. У той момант там праводзіліся запраўка і тэхнічнае абслугоўванне некалькіх машын. Пляцоўка знаходзіцца за 150 кіламетраў ад лініі фронту.
Таксама паведамляецца, што ў выніку ўдару загінуў як мінімум адзін расійскі вайсковец, які абслугоўваў тэхніку.
«Мадзьяр» заявіў, што ўдары былі нанесеныя ў тыльную частку рухавіковага адсека верталётаў, калі яны знаходзіліся на пляцоўцы.
Каментары