Віктар Ганчарэнка сустрэўся з беларускім вундэркіндам з мадрыдскага «Рэала» ФОТАФАКТ
Галоўны трэнер зборнай Беларусі па футболе Віктар Ганчарэнка сустрэўся з надзвычай таленавітым падлеткам Аляксеем Маёравым, які вучыцца футболу ў акадэміі мадрыдскага «Рэала» і рэгулярна збірае водгукі захаплення ад спецыялістаў. Іх сумеснае фота апублікавалі ў тэлеграм-канале Беларускай федэрацыі футбола (АБФФ)
«Пастаянны кантакт з перспектыўнымі футбалістамі, якія ў будучыні змогуць абараняць гонар нашай краіны на міжнародным узроўні — ключавая частка стратэгіі развіцця беларускага футбола на гэты момант», — пракаментавала фота прэс-служба АБФФ.
14‑гадовы Аляксей ужо два гады займаецца ў структуры мадрыдскага «Рэала» і лічыцца адным з самых перспектыўных еўрапейскіх вундэркіндаў свайго пакалення.
Аляксей — унук вядомага ў мінулым футбаліста мінскага «Дынама» Аляксандра Кісценя. У свае 14 гадоў ён ужо паспеў папрацаваць у сістэмах розных клубаў: мінскага «Дынама», «Мінска», а таксама крыху пагуляць у сістэме маскоўскага «Спартака», пасля чаго пераехаў у Іспанію, дзе займаўся футболам у школах «Эспаньёла» і «Серданьёлы». Там яго і заўважылі скаўты іспанскіх грандаў — мадрыдскага «Рэала» і «Барселоны», якія нават спаборнічалі за тое, хто будзе шліфаваць майстэрства ўзыходзячай зоркі.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі77
Каментары
І добра, што ў рашцы не затрымаўся.
Хлопец сваім талентам будуе сваю будучыню і бацькі ўкладаюцца. Можна толькі пажадаць поспехаў.
А стратэгі з АБФФ хай ідуць чарговы ліст у падтрымку сіпатага пішуць.